Astana turǵyny óziniń páterinde 45 belgisiz adamnyń tirkelgenin anyqtaǵan, - dep habarlaidy kaz.tengrinews.kz tilshisi.
Dýlat Sultanovtyń aitýynsha, qoqys úshin tólengen túbirtektegi somany kórip tańǵalǵan. "Biryńǵai esep aiyrysý ortalyǵynan sáýir aiy úshin túbirtek keldi. Onda tek qoqys úshin 11 myń teńge tóleýim kerektigi jazylǵan. Ádette qoqys úshin 259 teńge tóleitinmin", - deidi Dýlat Sultanov. - "Biryńǵai esep aiyrysý ortalyǵyna habarlastym. Ortalyqtaǵylar maǵan meniń páterimde 45 adamnyń tirkelgenin aitty. Olardyń qaidan jáne qalai meniń páterimde júrgenin túsinbedimm. Sodan Astananyń Almaty aýdandyq Halyqqa qyzmet kórsteý ortalyǵyna bardym, alaida olar meni kóshi-qon politsiiasyna jiberdi. Sol jaqta aryz jazdym".
IIB ókilderi er adamǵa belgilengen ýaqytta jaýap beremiz dep aitqan. Alaida er adam onyń páterinde qalaisha belgisiz 45 adamnyń tirkelgenin anyqtamaqshy. Sultanovqa tipti olardyń aty-jónderin aitpaǵan.
"Men eshqandai qaǵazǵa qol qoimadym. Qujattarǵa qol qoiǵan jaǵdaida, meniń qolym sol jerde turatyn edi. Alaida ol joq. Men buǵan kimniń kináli ekenin bilmeimin. Osy máseleni anyqtamaqpyn jáne olardy jaýapkershilikke tartqym keledi. Al túbirtekte kórsetilgen aqshany men tólemeimin", - dedi astanalyq turǵyn.
Al Astana qalalyq IID Kóshi-qon basqarmasynyń basshysy Gúlvira Dónenbaeva páterge adamdy tirkeý úshin úi iesiniń ol adamǵa tirkelýge quqyq beretin qujat berý kerektigin túsindirdi. Gúlvira Dónenbaevanyń aitýynsha, onyń ruqsatynsyz nemese onyń zańdy ókilinsiz tirkelýge múlde bolmaidy.
"45 adam jaily aitatyn bolsaq, Biryńǵai esep aiyrysý ortalyǵynda mundai málimet qaidan júr? Menińshe, ol adam birinshi kezekte Biryńǵai esep aiyrysý ortalyǵyna habarlasyp, tirkelgen azamattar jaily málimetterdi qaidan alǵanyn anyqtaýy kerek. Tipti kóshi-qon politsiiasynda tirkelgen azamattardyń bazasy joq. Mysaly, sizder qazir maǵan bir mekenjaidy aitasyzdar, men sizderdi bazadan kóre almaimyn jáne ol páterde qansha adamnyń tirkelgenin de kóre almaimyn. Sáikesinshe kóshi-qon politsiiasy eshqandai tizim bere almaidy. Biryńǵai esep aiyrysý ortalyǵyndaǵylar bul tizimdi bir memlekettik organnan alǵan shyǵar. Bul málimet rastalmaǵan", - Astana qalalyq IID Kóshi-qon basqarmasynyń basshysy.
