Foto: pixabay.com
Astana turǵyny Qostanai qalalyq sotyna oblystyq densaýlyq saqtaý basqarmasynan, Jitiqara aýdandyq aýrýhanasynan jáne Qostanai oblystyq aýrýhanasynan materialdyq shyǵyndy óndirý jáne moraldyq shyǵyndy óteý týraly talap aryzben júgindi, - dep habarlaidy Tengrinews.kz saity "Alaý" basylymyna silteme jasap.
Sot málimetinshe, talapker segiz ailyq balasynyń syrqatyna bailanysty aýdandyq aýrýhanaǵa júgingen. Odan keiin olar oblystyq balalar aýrýhanasyna jiberilgen. Emdeý aiasynda diagnoz ýaqtyly jasalmaǵan, bul balanyń densaýlyǵyna aýyr zardaptar ákelip, nátijesinde múgedektik anyqtalǵan.
"Júrgizilgen em men balada qolaisyz jaǵdai týyndaýy arasyndaǵy sebep-saldarlyq bailanysty anyqtaý maqsatynda sot sot-meditsinalyq saraptama taǵaiyndady, onyń qorytyndysy boiynsha sebep-saldarlyq bailanys anyqtalmady, balada anyqtalǵan aýrý údemeli jáne qaitymsyz zardaptarǵa ákep soqtyratyn patogendik protsestiń damýyna ákelýi múmkin. Sondai-aq, sarapshylar qorytyndysyn eskere otyryp, júktilik kezinde balanyń anasyn baqylaǵan emdeý mekemesiniń - "Jitiqara aýdandyq aýrýhanasy" KMK kinási anyqtaldy", - delingen sot habarlamasynda.
Sot talapkerdiń talap aryzyn ishinara qanaǵattandyryp, Jitiqara aýdandyq aýrýhanasy jábirlenýshilerge on million teńge kóleminde shyǵyndy óteýge mindetti dep sheshti.
Sheshim zańdy kúshine engen joq.
