Foto: Polisia.kz
Astana qalasy politsiia departamentiniń uiymdasqan qylmysqa qarsy kúres basqarmasy úshinshi tulǵanyń múddesi negizinde 57 jastaǵy áieldiń ólimin uiymdastyrǵan elordanyń buryn sotty bolǵan turǵynyna qatysty jedel is-sharalar júrgizdi, – dep habarlaidy "Ult aqparat" Polisia.kz portalyna silteme jasap
Uiymdastyrýshy óziniń tanysy arqyly “oryndaýshymen” mámile jasasyp, oǵan shartty 10 million teńgeniń bir million teńgesin aldyn ala tólem retinde bergen. Sondai-aq boljamdy jábirlenýshiniń fotosýreti men basqa da derekteri bar uialy telefondy tapsyrǵan.
"Jaldamaly kisi óltirýshi sol kúni anyqtaldy. Zattai dáleldemeler tárkilendi.
Qylmystyń uiymdastyrýshysy men negizgi bastamashysyn ustaý maqsatynda politsiia qyzmetkerleri kisi ólimin imitatsiialaý arqyly jedel kombinatsiia júrgizdi.
Jedel-tergeý is-sharalarynyń nátijesinde qylmystyń barlyq qatysýshylary ustalyp, ýaqytsha ustaý izoliatoryna qamaldy" - delingen habarlamada.
Kisi óltirýge tapsyrys berýshi jábirlenýshiniń týysy ekeni anyqtaldy. Jábirlenýshi oǵan aǵymdaǵy jyldyń aqpan aiynda 500 myń AQSh dollaryn saqtaýǵa bergen, bul qylmys jasaýǵa sebep bolǵan.
Ózge derekter tergeý múddesinde jariia etilýge jatpaidy.
