Tórt kisiniń ólimine ákep soqqan oqys oqiǵaǵa bailanysty tutqyndalǵan «Astana sý arnasy» mekemesiniń laýazymdy basshylary kinási dáleldengen jaǵdaida 7 jylǵa deiin bas bostandyǵynan aiyrylýy yqtimal, dep habarlaidy QazAqparat.
«Mekemeniń ustalǵan qyzmetkeriniń biri - bas mehanik. Iaǵni, osy eńbekti qorǵaý erejelerin saqtaý jáne olardyń durys atqarylýyna sol jaýapty bolǵan. Ekinshi - «Astana sý arnasy» mekemesiniń Almaty aýdandyq bólimshesi boiynsha jaýapty qyzmetkeri», - dedi Nur-Sultan qalalyq politsiia departamenti tóraǵasynyń orynbasary Ǵaziz Nurqaev elordada ótken baspasóz máslihatynda.
Olar QR Qylmystyq kodeksi 156-baby 4-bóligi boiynsha 7 jylǵa deiin bas bostandyǵynan aiyrylýy múmkin.
«Bas mehanik oqiǵa ornynda bolyp, jumysty uiymdastyrǵan. Ekinshisi osy jumysqa jaýapty bolǵan», - dedi ol.
Eske sala ketsek, «Astana sý arnasy» mekemesiniń 4 qyzmetkeri metan gazynan ýlanyp kóz jumǵanyn buǵan deiin habarlaǵan bolatynbyz. Elordanyń politsiia departamenti osy oqiǵaǵa bailanysty qylmystyq is qozǵady.
Osy jyldyń 13 maýsymynda atalǵan fakti boiynsha «Astana sý arnasy» mekemesiniń eki jetekshisi V. jáne M. politsiia departamentiniń ýaqytsha oqshaýlaǵyshyna qamaldy.
