Siriia qarýly oppozitsiiasynyń delegatsiiasy Astanada ótip jatqan Siriia beibit kelissózine kelmeidi dep habarlady Qazaqstan syrtqy ister ministriniń baspasóz hatshysy Ánýar Jainaqov. Onyń sózinshe, oppozitsiia ókilderiniń Astanaǵa kelmeitini týraly aqparat keshe keshke túsken.
Astanada úshinshi ret ótken Siriia beibit kelissózi 14 naýryzda bastalyp, 15-de aiaqtalady dep josparlanǵan edi.
Kezdesýdiń aldynda Siriia qarýly oppozitsiialyq toptary Siriia úkimeti men Reseidi bitimdi oryndamai otyr dep aiyptap, kelissózge qatyspaitynyn málimdegen.
Biraq keshe eki kúndik kelissózdi qorytyndylaǵan brifingte Reseidiń Siriia boiynsha arnaiy ókili Aleksandr Lavrentev oppozitsiia delegatsiiasy 16 naýryzǵa qaraǵan túni Astanaǵa kelýi múmkin ekenin aitqan.
Ol osyǵan bailanysty kelissózge qatysyp jatqan Resei, Túrkiia jáne Iran delegatsiialarynyń bir bóligin Astanada qaldyratynyn jetkizgen.
