Siriia daǵdarysy boiynsha Astana protsesiniń jetinshi kezdesýine qatysatyn delegatsiialar Qazaqstan astanasyna keldi.
Bul týraly QR SIM baspasóz qyzmetiniń basshysy Ánýar Jainaqov málim etti, dep habarlaidy QazAqparat tilshisi.
«Búgin kún tártibindegi máselelerdi talqylaý boiynsha ekijaqty jáne úshjaqty kezdesýler ótedi. Kezdesýler BAQ úshin jabyq rejimde ótedi», - dep atap ótti baspasóz qyzmeti.
Plenarlyq otyrys 31 qazannyń ekinshisi jartysynda ótedi.
Eske sala ketsek, buǵan deiin SIM habarlaǵandai, Astana protsesinde Resei delegatsiiasyna RF prezidentiniń Siriia jónindegi arnaiy ókili Aleksandr Lavrentev, Túrkiia delegatsiiasyna syrtqy ister ministriniń orynbasary Sedat Onal, Iran delegatsiiasyna syrtqy ister ministriniń orynbasary Hýsein Djaberi Ansari basshylyq etedi. Sondai-aq, kezdesýge Siriia úkimeti men siriialyq oppozitsiia ókilderi keledi jáne BUU, Iordaniia jáne AQSh (Taiaý Shyǵys isteri boiynsha AQSh memlekettik hatshysynyń kómekshisi mindetin atqarýshy Devid Saterfild) ókilderi baqylaýshy retinde qatysady.
Astana protsesiniń jetinshi kezdesýi Siriiada urys is-qimyldaryn doǵarý rejimin nyǵaitý boiynsha qol jetkizilgen nátijelerdi saqtaýǵa, sondai-aq daǵdarysty saiasi retteýge ótý kezeńinde atalǵan eldegi jaǵdaidy ári qarai turaqtandyrýǵa baǵyttalǵan.
