Qazirgi ýaqytta Qazaqstan Respýblikasy Syrtqy ister ministrliginiń úilestirýimen biylǵy jyldyń 1-2 tamyzynda Nur-Sultan qalasynda ótkizilýi josparlanǵan Siriia boiynsha joǵary deńgeidegi halyqaralyq kezdesýdiń kezekti 13-shi raýndyna daiyndyq jumystary tolyq qarqynmen júrgizilýde. Bul týraly QR syrtqy ister ministrliginiń resmi saitynda habarlandy.
«Búgingi kúnge deiin barlyq shaqyrylǵan taraptar ózderiniń qatysatyndyǵyn rastady. Atap aitqanda, Resei delegatsiiasyn RF Prezidentiniń Siriia jónindegi arnaiy ókili Aleksandr Lavrentev, Túrkiia delegatsiiasyn TR syrtqy saiasi vedomstvo basshysynyń orynbasary Sedat Onal basqarady. Iran delegatsiiasyna Syrtqy ister ministriniń saiasi ister jónindegi joǵary kómekshisi Ali Asgar Hadji basshylyq etedi», - delingen habarlamada.
Sonymen birge, atalǵan kezdesýge Siriiadaǵy eki qaqtyǵysýshy tarap – Siriianyń BUU-daǵy Turaqty ókili Bashar ál-Djaafari bastaǵan SAR úkimettik delegatsiiasy jáne Ahmad al-Toýma bastaǵan qarýly oppozitsiia qatysady. Kezdesýdiń jańalyǵy - Astana formatyndaǵy buǵan deiingi kelissózder negizinde qabyldanǵan sheshimge sáikes, Irak pen Livan delegatsiialary atalǵan protseske baiqaýshylar retinde qatysady.
Ókinishke orai, BUU Bas hatshysynyń Siriia jónindegi arnaiy ókili Geir Pedersen densaýlyǵyna bailanysty aldaǵy kelissózderge qatysa almaityn boldy. BUU delegatsiiasyn onyń orynbasary basqarady.
Buǵan qosa, osy kúnderi siriiaaralyq kelissózder sheńberinde ótetin Tutqyndardy bosatý, qaza tapqandardyń denelerin tabystaý jáne iz-túzsiz joǵalǵandardy izdestirý boiynsha jumys tobynyń kezekti kezdesýine qatysý úshin BUU Bosqyndar isi jónindegi joǵarǵy komissary basqarmasy jáne Halyqaralyq Qyzyl Krest Komitetiniń ókilderi Nur-Sultanǵa keledi.
Buryn ótken siriiaaralyq kelissózderge uqsas, birinshi kúni «jabyq esik» jaǵdaiynda ekijaqty jáne kópjaqty tehnikalyq konsýltatsiialar, al kelesi kúni jalpy otyrys ótedi. Eki kúndik kelissózderdiń negizgi nátijeleri Astana protsesiniń kepilger memleketterimen qabyldanatyn Birlesken málimdemesinde baiandalady.
