Astana protsesi sheńberindegi Siriia boiynsha kezekti 13-shi halyqaralyq kezdesýi máresine jetti, dep habarlaidy Baq.kz agenttigi.
Otyrysqa Siriia Arab Respýblikasy úkimetiniń jáne qarýly oppozitsiia toptary men delegatsiialary, qatysýshylar men baiqaýshylar qatysty.
Shara qorytyndysy boiynsha syrtqy ister ministriniń orynbasary Roman Vasilenko málimdeme jasady. 
«Astana protsesi aiasynda Siriia jónindegi 13-shi halyqaralyq kezdesý máresine jetti. 2017 jyldan beri Qazaqstan Tuńǵysh Prezidenti Nursultan Nazarbaevtyń qoldaýymen júzege asyrylyp jatqan bul protsess Siriiada beibitshilikti ornatý jolynda orasan zor jetistikke jetkeni sózsiz. Bul protsess kóptegen ekijaqty jáne kópjaqty taraptardyń Siriia boiynsha atqarǵan kúshiniń nátijesi deýge bolady. Búgingi kezdesý – Astana protsesine kepil elderdiń Siriia máselesin beibit jolmen sheshýge umtylysy. Osymen bailanysty 13-shi halyqaralyq otyrys qorytyndysy boiynsha kepil elder - Iran, Túrkiia, Reseidiń birlese qabyldaǵan málimdesin jariialaimyn», - dedi Roman Vasilenko.
