Qazaqstandyq, álemniń 188-raketkasy Dmitrii Popko Astana Open ATP 250 týrniriniń negizgi kezeńine ótti, dep habarlaidy QazAqparat.
Qazaqstandyq tennisshi irikteý saiystarynyń finalynda dúniejúzilik reitingte 243-orynda turǵan tájiribeli aýstraliialyq, 33 jastaǵy Mettiý Ebdenmen kúsh synasty.
Birinshi partiiada aýstraliialyq tennisshi basymdylyq kórsetti – 6:3.
Ekinshi jáne úshinshi sette D.Popko óz sheberligin tanyta bildi – 6:3, 6:4.
2 saǵat 4 minýtqa sozylǵan tartysty báseke barysynda qazaqstandyq sportshy 5 eis jasap, 15 breik-pointtyń úsheýin ǵana paidalandy. Qarsylasy 3 eis, 2 breikten asa almady.
Osylaisha D.Popko Astana Open ATP 250 jarysynda óner kórsetetin qazaqstandyqtar Aleksandr Býblik, Mihail Kýkýshkin jáne Timofei Skatovtyń qataryna qosyldy. Sondai-aq negizgi kezeńge ótýden Denis Evseev te úmitti. Ol úshin búgin irikteý saiystarynyń finalynda aýstraliialyq Mark Polmansty utýy kerek.
T.Skatov búgin taǵy bir tisqaqqan oiynshy, italiialyq Andeas Seppimen kortqa shyǵady.
