Foto: ashyq derekkóz
Astana qalasy boiynsha QMA departamenti «№81 Astana English School halyqaralyq mektebiniń» burynǵy direktor men bas býhgalterine qatysty biýdjet qarajatyn jymqyrý faktisi boiynsha tergeý júrgizýde, dep habarlaidy Ult.kz.
Tergeý barysynda kúdiktilerdiń 900 mln teńgeden astam qarjyny zańsyz iemdengeni anyqtaldy. Bul qarajattyń bir bóligi – ata-analardan daiyndyq synyptaryna oqytý jáne jazǵy lagerge qatysý úshin alynǵan qolma-qol aqsha. Alaida bul qarajat mekeme shottaryna aýdarylmai, jeke qajettilikterge jumsalǵan.
Sonymen qatar, 16 mln teńgege jýyq qarajat mekemede jumys istemegen jalǵan qyzmetkerlerdiń atyna aýdarylǵan. Jalǵan qujattar arqyly rásimdelgender arasynda kúdiktilerdiń týystary da bar.
Urlanǵan qarjy arqyly kúdiktiler jalpy quny 382 mln teńge bolatyn múlikterdi – kottedj, eki páter jáne avtokólik satyp alǵan. Sot sheshimimen bul múlikterge tyiym salyndy.
Kúdiktiler qamaýǵa alyndy. Tergeý jalǵasýda, biraq QR Qylmystyq-protsestik kodeksiniń 201-babyna sáikes tergeý derekteri qupiia saqtalady.
