Elordada 26 qyrkúiek kúni jyl saiynǵy Astana Marathon 2021 halyqaralyq marafony ótedi. Biyl jarys Qazaqstan Respýblikasy Táýelsizdiginiń 30 jyldyǵyna orailastyrylyp otyr, dep habarlaidy "Ult aqparat" qala ákimdiginiń resmi saityna silteme jasap.
Marafondy Dene shynyqtyrý jáne sport basqarmasy uiymdastyrady. Aita keteiik, Nur-Sultan qalasynyń Bas memlekettik sanitarlyq dárigeriniń qaýlysyna sáikes, buqaralyq, sonyń ishinde sporttyq is-sharalardy ótkizýge tyiym salynady. Sondyqtan biylǵy jarysqa qatysýshylar sany shekteýli bolmaq. Al KVI-ge qarsy vaktsinatsiiadan ótken jelaiaqtarǵa qatysýǵa ruqsat etiledi (vaktsinatsiia tek eresek qatysýshylar úshin).
Astana Marathon 2021 aiasynda eki qashyqtyq kózdeledi: 18 jáne odan joǵary jastaǵy qatysýshylar úshin 42,2 km, al 16 jáne odan joǵary jastaǵy qatysýshylar úshin 10 km (tek kámeletke tolǵan adamdar ǵana vaktsinatsiialanady). Marafonǵa qatysý úshin tirkelýdi 23 qyrkúiek saǵat 00:00-ge deiin www.astana42k.com saitynan onlain ótýge bolady.
Aita ketý kerek, biylǵy marafon qatysýshylar úshin erekshe bolmaq, óitkeni biyl ol «qola» statýsyna ie.
Bronze Label Road Races 2019 jylǵy qarashada World Athletics uiymy tarapynan berilip, TMD aýmaǵynda Astana Marathon osyndai statýsqa ie bolǵan alǵashqy jáne jalǵyz marafon jasady. 2018 jyldan bastap Astana Marathon Halyqaralyq marafondar men jelaiaqtar qaýymdastyǵynyń (AIMS) múshesi, 2020 jyldan bastap Abbott World Marathon Majors Wanda Age Group jas erekshelik toptarynda marafonnan álem chempionatynyń biliktilik marafondar tobyna endi.
Esterińizge sala keteiik, bul báseke qaiyrymdylyq sharasy bolyp sanalady. Osylaisha, 2009 jyldan bastap Astana Marathon uiymdastyrýshylary qazaqstandyq qaiyrymdylyq uiymdary úshin 37 mln teńgeden astam qarajat jinady.
