Foto: Kazpravda.kz
Indýstriia jáne infraqurylymdyq damý ministri Marat Qarabaev LRT qurylysyna 50 milliard teńge bólinetinin, qarajattyń bir bóligi vagon satyp alýǵa jumsalatynyn aitty, - dep habarlaidy Tengrinews.kz saity.
"LRT qurylysy aiaqtalady. Biyl da tiisti qarajat qarastyrylǵan. Biyl qatelespesem, LRT qurylysyn jalǵastyrýǵa 50 milliard teńge bólemiz. Bul qurylysty qala ákimshiligimen talqyladyq. Eń aldymen jumys áýejai jaqtan bastalady. Iaǵni, sonda jumys jalǵasady. Al qarajattyń bir bóligi vagondardy satyp alý úshin aldyn ala tólem jasaýǵa jumsalady", - dedi Qarabaev Úkimet otyrysy kýlýarynda.
Ol qarajat respýblikalyq biýdjet komissiiasy otyrysynda qarastyrylǵanyn aitty.
"Ózderińiz bilesizder, budan ári Parlamentke barýymyz kerek, sodan keiin qol qoiý kerek. Qazir aqpan bolsa, meniń oiymsha, sáýir aiynyń basynda qarajatty ákimdikke aýdaratyn shyǵarmyz", - dep túiindedi ministr.
