Elordalyq «Astana» fýtbol komandasy albaniialyq qorǵaýshy Eneo Bitrimen kelisimshartqa qol qoidy, dep habarlaidy "Ult aqparat" klýbtyń baspasóz qyzmetine silteme jasap.
Eneo Bitri 1996 jyldyń 26 tamyzynda sol eldiń Berat qalasynda dúniege kelgen.
Budan buryn óz elinde «Tomori», «Partizani» jáne «Kamza» klýbtarynda dop tepti.
Óziniń kásibi mansabynda ol Albaniia chempiony ataǵyna qol jetkizip, el kýbogynyń iegeri atanǵan.
«Men «Astanamen» birge úlken jeńiske jetkim keledi. Barlyq maqsattqa qol jetkizýge úles qosýǵa tyrysamyn. Men klýb pen qala týraly kóp estidim. Maǵan Nur-Sultan unady. Shyn máninde zamanaýi jáne ádemi qala eken», - dedi albaniialyq fýtbolshy.
Aita ketsek, «Astana» sapynan Arazdat Aroian Ispaniianyń «Kadis» klýbyna aýysqan edi.
Eneo Bitri komandada sol fýtbolshynyń ornyn almastyrady dep kútilýde.
