«Astana» komandasy 6 shildede Briýsselde bastalatyn Týr de Frans álem jarysyna qatysatyn veloshabandozdarynyń tizimin jariialady, dep habarlaidy "Ult aqparat"
Komanda jetekshisi - Iakob Fýlsang. Komandada Aleksei Lýtsenko, Gorka Isagirre, Pelo Bilbao, Magnýs Kort, Lýis Leon Sanches, Omar Fraile jáne Ýgo Ýl bar.
«Mundai kúshti jáne tájiribeli komandamen joǵary nátijege qol jetkizý úshin barymyzdy salamyz. Jarysta eki sport direktory komandamen jumys isteidi, olar - Lars Mihaelsen jáne Brýno Chenialta», - deidi sport menedjeri Dmitrii Fofonov.
Onyń aitýynsha, bul joly tájirbiesi mol ári myqty komanda jasaqtaldy.
«Bul komandadaǵy veloshabandozdardyń qorjynynda 13 jeńis bar. Sondai-aq, bizdiń kóshbasshy Iakob Fýlsang osy maýsymda Lej-Baston-Lej siiaqty birqatar mańyzdy jarystarda jeńiske qol jetkizdi. Bizdiń barlyq sportshylarymyz Týr de Frans jarysyna qatysqan, tájiribesi jetkilikti. Bul joly Ýgo Ýl men Pelo Bilbao jarysqa shyǵady. Ýgo myqty shabandoz retinde tanymal. Pelo Bilbaoǵa keler bolsaq, oǵan eshkim teń kelmeidi. Ol taýdaǵy jarystarda ózin birneshe márte moiyndatqan. Sońǵy Djiro d'Italiia jarysynda eki kezeńde de jeńisti qoldan bermedi. Árine, Týr de Frans jarysynda bir ǵana jeńimpaz bolady. Desek te, álem týrynan úmittimiz. Kez kelgen jaǵdaiǵa 100 paiyz daiynbyz», - deidi sport menedjeri.
Týr de Frans 6 shildede Briýssel qalasynan bastalyp, 28 shildede Parijde aiaqtalady.
