Astana qalasyndaǵy halyqaralyq áýejaidyń tóbesinen sý ketip jatyr, dep habarlaidy "Ult aqparat" Stan.kz aqparat agenttigine silteme jasap.
Oqiǵa kýágerleri áleýmettik jelide videolarmen bólisip jatyr. Baiqaǵanymyzdai áýejaidyń sý aǵar júiesiniń jyryǵynan shyqqan sý strategiialyq nysan ishindegi LED ekran men ǵimarattyń basqa shetindegi júk bólmesiniń de tóbesinen quiylyp jatyr. Videoda qorap toly júkter malmandai sý bolǵany kórinip tur.
Áýejaidyń baspasóz qyzmeti bul jaǵdaiǵa túsinikteme berdi.
"Jóndeý jumystaryn júrgizý barysynda merdiger qurylys kompaniiasy Astana áýejaiynyń halyqaralyq terminalynda sý qubyryna zaqym keltirdi. Qazirgi ýaqytta zaqymdanýdy joiý boiynsha qajetti jumystar júrgizilýde. Qolaisyzdyqtar úshin keshirim suraimyz, zaqymdanýdy joiý úshin qoldan kelgenniń bárin jasaimyz", - dedi áýejaidyń baspasóz qyzmeti.
