Onlain rejimde ótken úsh kúndik virtýaldy aimaqaralyq dialog Sovid-19 pandemiiasynyń syn-qaterlerine jaýap izdeýde yntymaqtastyqtyń róli men qajettiligine, sondai-aq aimaqtyq jáne aimaqaralyq saiasattar men sharalardyń úilesimdiligin jáne integratsiiasyn qamtamasyz etý joldaryn taldaýǵa arnaldy. Bul mańyzdy is-sharany Ońtústik-Ońtústik yntymaqtastyq jónindegi BUU basqarmasynyń (UNOSSC) Arab, Eýropa jáne TMD elderi boiynsha bólimi uiymdastyrdy.
Astana memlekettik qyzmet habynyń Basqarýshy komiteti tóraǵasy Alihan Baimenov osy is-sharada jasaǵan baiandamasynda dúniejúzi elderiniń úkimetteri úshin jańa ideialarǵa ashyq bolý, qysqa merzimde ozyq tájiribeni engizýge múmkindik beretin josparlaý men iske asyrýdyń ikemdi quraldaryn paidalana bilýdiń mańyzdylyǵyn atap ótti.
Baimenov myrza, sondai-aq, Astana memlekettik qyzmet haby qurǵan virtýaldy platforma týraly da maǵlumatpen bólisti. Ol Virtýaldy habta memlekettik basqarý salasyndaǵy ózekti máseleler boiynsha túrli materialdar, atap aitqanda Habqa qatysýshy elder men onyń seriktesterinen jinalǵan taqyryptyq zertteýler, úzdik tájiribeler týraly aqparattar, sondai-aq elektrondyq resýrstarǵa siltemeler ornalastyrylǵanyn aita otyryp, bul materialdar ǵalymdar men praktikterdiń memlekettik basqarý salasynda oryn alatyn, onyń ishinde COVID-19 pandemiiasynan týyndaǵan, problemalardy sheshý baǵytyndaǵy izdenis jolynda paidaly bolatynyna senim bildiremiz dedi.
Turaqty damý baǵytyndaǵy progresske qol jetkizý úshin memlekettik basqarý men memlekettik qyzmet salasyndaǵy reformalar qalai júzege asyrylýy tiis degen suraqqa jaýap bere otyryp, A. Baimenov «bul baǵytta úkimetter tek memlekettik apparattyń kúsh-jigerine ǵana júginýi az, olar búkil qoǵamnyń kúsh-jigerin jumyldyrýǵa talpynýy mańyzdy» -dedi. «Osy oraida, azamattyq qoǵammen yntymaqtastyqty damytý, azamattyq qatysý jáne inkliýzivti ekonomika jańa deńgeige shyǵarylýy kerek»- dep oiyn tujyrymdady.
Onlain is-sharaǵa joǵary laýazymdy memlekettik sheneýnikter, memlekettik basqarý salasyndaǵy jetekshi sarapshylar, óńirlik jáne eldik deńgeidegi BUU ókilderi, halyqaralyq uiymdar men tiisti taldaý ortalyqtarynyń ókilderi, sondai-aq basqa da múddeli tulǵalar qatysty.
Qatysýshylar sonymen qatar COVID-19 qarsy áreket etý men qalpyna keltirý jaǵdaiynda memlekettik saiasattyń negizgi mindetterin sheshýde paidaly bolǵan qoldaý quraldary men túrlerin, sondai-aq úilestirilgen jáne kelisilgen kúsh-jigerdi qajet etetin týyndaityn qajettilikterdi talqylady jáne osy qiyndyqtardy jeńýge baǵyttalǵan is-áreketterdi usyndy
