Elbasy «Astana» halyqaralyq qarjy ortalyǵy sotynyń tóraǵasynyń ant qabyldaý rásimine qatysty, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy Qazaqstan Prezidentiniń tiisti ókimimen «Astana» halyqaralyq qarjy ortalyǵy sotynyń tóraǵasy bolyp taǵaiyndalǵan lord Garri Kennet Výlftiń ant qabyldaý rásimine qatysty.
Rásim sońynda Nursultan Nazarbaev «Astana» halyqaralyq qarjy ortalyǵy sotynyń tóraǵasy men sýdialaryna halyqaralyq qarjy ortalyǵynyń qyzmetine álemdik qoǵamdastyqtyń senimin arttyrýdyń mańyzdy ekenin aitty.
«Astana» halyqaralyq qarjy ortalyǵynyń táýelsiz soty 2018 jylǵy qańtardan bastap jumys isteidi.
Lord Garri Kennet Výlf qarjy quqyǵy salasyndaǵy halyqaralyq tóreshi ári mediatr bolyp tabylady. Ol Angliianyń, Ýelstiń, Katar men Gonkongtyń sot júielerinde jumys istep, kásibi mol tájiribe jinaqtaǵan.
