5 jáne 16 qazan aralyǵynda Astana qalasynda 8 mektep oqýshysy virýstyq meningit diagnozymen aýrýhanaǵa jatqyzyldy. Bastapqyda oqýshylardyń bireýiniń jaǵdaiy aýyr bolǵan. Qazir barlyǵynyń jaǵdaiy turaqty. Bul týraly Astana qalasynyń qoǵamdyq densaýlyq saqtaý departamentiniń basshysy, bas memlekettik sanitarlyq dáriger Sádýaqas Baiǵabylov aityp berdi, dep habarlaidy Sputnik Qazaqstan tilshisi.
Elordada №75, 23, 71, 79 jáne Nazarbaev Ziiatkerlik mektebi men Astanadaǵy halyqaralyq mekteptiń oqýshylary infektsiialyq aýrýhanaǵa jatqyzyldy. Olarǵa aldyn ala virýstyq meningit degen diagnoz qoiylǵan. Naýqastardyń qazirgi jaǵdaiy týraly tolyǵyraq qoǵamdyq densaýlyq saqtaý departamentiniń basshysy Sádýaqas Baiǵabylov aityp berdi.
"Qazirgi tańda Astana qalasynyń balalar infektsiialyq aýrýhanasynda 8 mektep oqýshysy emdelip jatyr. Olarǵa aldyn ala virýstyq meningit degen diagnoz qoiyldy jáne olar Astana qalasyndaǵy ártúrli mektepte bilim alyp jatyr. Atalǵan aýrýhanaǵa 5-16 qazan aralyǵynda kelip tústi. Qazirgi sátte jeteýiniń jaǵdaiy turaqty, al bireýiniń jaǵdaiy — ortasha aýyr. Oqýshylarǵa simtomdyq jáne virýsqa qarsy em túrleri jasalyp jatyr", — dedi bas sanitarlyq dáriger.
Sondai-aq, maman mundai aýrý túrine shaldyqqan kezde úide emdelmeýge keńes berdi. Sondai-aq, meningittiń bul túriniń kún qatty sýytqanda báseńdei túsetinin aitty. Iaǵni dál qazir bul aýrý túri órship ketedi dep alańdaýǵa esh sebep joq.
"Bul balalardyń aýrýhanaǵa kelmes buryn bastary, bulshyq etteri men tamaqtary aýyrǵan. Arasynda jótelip, júregi ainyp qusqandar da bar. Qazirgi sátte barlyǵynyń jaǵdaiy jaqsy. Erejege sai bul aýrý túri 8-10 kúnge deiin jalǵasady. Emdeý kezinde eshqandai qiyndyq týyndamaidy. Bul máselede bastysy — úide jatyp emdelmeý. Sebebi, keide ata-analar balalaryn dárihanadan dári alyp nemese tanystarynan keńes alyp emdeidi. Aqyrynda aýrýhanaǵa aýyr jaǵdaimen túsedi", — dedi Sádýaqas Baiǵabylov.
2018 jyldyń 9 ailyq esebi boiynsha Astana qalasynda virýstyq meningittiń 196 jaǵdaiy tirkeldi (85 oqýshy) jáne barlyǵy emdeldi.
