Fotokollaj: Azattyq Rýhy
Jeńis Qasymbek Astana qalasynyń ákimi boldy, - dep habarlaidy "Ult aqparat" Aqorda saityna silteme jasap.
"Jeńis Mahmuduly Qasymbek Astana qalasynyń ákimi laýazymyna taǵaiyndalsyn", - delingen Jarlyqta.
Jeńis Mahmýduly Qasymbek 1975 jyly Jambyl oblysynda dúniege keldi.
Qazaq memlekettik sáýlet-qurylys akademiiasyn «sáýletshi-dizainer» mamandyǵy boiynsha, 2001 jyly L. Gýmiliov atyndaǵy Eýraziia memlekettik ýniversitetin «memlekettik jáne jergilikti basqarý» mamandyǵy boiynsha aiaqtaǵan.
Eńbek jolyn 1997 jyly Qazaq memlekettik sáýlet-qurylys akademiiasynda taǵylymger-zertteýshi bolyp bastaǵan.
1998-2000 jyldary QR monopoliiaǵa qarsy saiasat jónindegi komitetiniń bólimin basqardy.
QR KKM Sý kóligi departamentiniń direktory bolyp jumys istegen.
2004 jyldan 2005 jylǵa deiin «Aqtaý halyqaralyq teńiz saýda porty» RMK direktory boldy.
2005 jylǵy qarashada Kólik jáne kommýnikatsiia vitse-ministri bolyp taǵaiyndaldy. Sodan keiin Kólik jáne kommýnikatsiia ministrliginiń Jaýapty hatshysy boldy. Keiinirek Kólik jáne kommýnikatsiia ministri qyzmetin atqarǵan. Budan keiin Investitsiialar jáne damý ministri, Indýstriia jáne infraqurylymdyq damý ministri bolyp jumys istedi.
2019 jylǵy 25 aqpanda QR Premer-ministriniń orynbasary boldy.
2019 jylǵy 19 qyrkúiekte Qaraǵandy oblysynyń ákimi bolyp taǵaiyndaldy.
