2019 jylǵy 21 qarashada Ońtústik Koreianyń Seýl qalasynda «Zerde» Holdingi» AQ jáne Koreia Respýblikasynyń Ulttyq aqparattyq qoǵam agenttigi (NIA) Aqparattyq tehnologiialar salasyndaǵy yntymaqtastyq ortalyǵyn qurý jáne jumys isteý úshin yntymaqtastyq týraly Memorandýmǵa qol qoidy, dep habarlaidy "Ult aqparat".
Taraptardyń kezdesýi NIA keńsesinde ótti, onda «Zerde» Holdingi» AQ Basqarma tóraǵasy Erlan Dýrmaǵambetov pen NIA prezidenti Iong-Sik Mýn kelisimge qol qoiyp, Ortalyqtyń tujyrymdamasyn talqylady.
Memorandýmǵa sáikes aqparattyq tehnologiialar salasyndaǵy Korei-qazaqstandyq yntymaqtastyq ortalyǵy (budan ári - ATYO) «Astana Hub» IT-startaptardyń halyqaralyq tehnoparki bazasynda jumys isteitin bolady.
ATYO-nyń negizgi maqsaty eki eldiń ekonomikalyq jáne áleýmettik damýyna yqpal ete otyryp, AKT salasynda tájiribe almasý jolymen Ońtústik Koreia men Qazaqstanda aqparattyq qoǵam qurýǵa járdemdesý bolyp tabylady.
Ortalyq eki eldiń IT-mamandary úshin tájiribe jáne bilim almasý, birlesken jobalardy damytý, sondai-aq jasandy intellekt, úlken derekter, ashyq derekter, Internet zattary, smart siti, 5G jáne t. b. qosa alǵanda, jańa tehnologiialar boiynsha zertteýler júrgizý alańyna ainalady. Budan basqa, Ortalyqty qurý áreketi AKT, tehnologiialar almasý jáne ózara investitsiialar salasyndaǵy saiasatty jandandyrý jolymen memlekettik organdar, AT-kompaniialar, Qazaqstan men Ońtústik Koreianyń ǵylymi toptary arasyndaǵy ózara is-qimyldy keńeitýge múmkindik beredi.
Esterińizge sala keteiik, aǵymdaǵy jyldyń tamyz aiynda Qazaqstan astanasynda sandyq damý, innovatsiia jáne aeroǵarysh ónerkásibi Vitse-ministri jáne Koreia Respýblikasynyń Ulttyq aqparattyq qoǵam agenttiginiń Vitse-prezidenti qatysýymen aqparattyq-kommýnikatsiialyq tehnologiialar salasyndaǵy yntymaqtastyq jónindegi qazaqstan-korei seminary ótti. Is-shara barysynda taraptar yntymaqtastyqtyń basym baǵyttaryn, sonyń ishinde bolashaq ATYO-n qurýdy talqylady.
