«Astana Hub» innovatsiialyq ekojúieniń ózegine ainalady. Bul týraly búgin «Astana Hub» halyqaralyq IT-startaptar tehnoparkiniń jumysyn resmi iske qosý sharasynda Memleket basshysy Nursultan Nazarbaev aitty, dep habarlaidy QazAqparat tilshisi.
«Astana Hub» halyqaralyq IT-startaptar tehnoparki innovatsiialyq ekojúieniń ózegine ainalady. Tehnopark qatysýshylary jeńildetilgen vizalyq jáne eńbek rejimderin paidalana alady. Olarǵa salyqtyq jáne ózge de jeńildikter beriledi. Onyń bazasynda mentorlyq institýty qurylyp, sarapshylar startap-komandalardy súiemeldeitin bolady. Búgin men R&D zerthana jumysymen , startap-kompaniialarlarmen tanystym. Munyń barlyǵy qatty tańǵaldyrady ári qýantady. Eger EKSPO-2017 bolmaǵanda bul ǵimarat ta bolmas edi», - dedi Elbasy.
Qazaqstan Prezidenti elimizdiń jastar startap jobalaryn damytý úshin arnaiy ǵimarat saldyrmaq oiy bolǵanyn atap ótti.
«Degenmen, endigi ýaqytta elimizde tabysty ótken EKSPO-2017-den qalǵan daiyn ǵimaratty paidalanamyz. Endigi ýaqytta bizge IT-talanttardyń jańa generatsiiasyn tabysty júrgizý qajet. Negizgi maqsat - aqyldy, talantty, qabildetti balalarǵa járdem men kómek kórsetý. Biz jeke bastamalardy, baǵdarlamalaý mektepterin, robototehnika men kibersport boiynsha spartakiadalar men olimpiadalardy jan-jaqty qoldaimyz. Joǵary oqý oryndarynda bilim berý baǵdarlamasy jańartyldy», - dedi Memleket basshysy.
Sonymen qatar Prezident búginde óz betterinde halyqaralyq naryq shyqqan jastarymyzdyń da bar ekendigin, olardyń jetistikterine qýanatyndyǵyn basa aitty.
Buǵan deiin Nursultan Nazarbaev «Astana Hub» jumysyn resmi iske qosqanyn habarlaǵan edik. Sondai-aq, Qazaqstanda IT-ýniversitet qurylmaq.
