«Astana Hub» يننوۆاتسييالىق ەكوجٷيەنٸڭ ٶزەگٸنە اينالادى. بۇل تۋرالى بٷگٸن «Astana Hub» حالىقارالىق ٸت-ستارتاپتار تەحنوپاركٸنٸڭ جۇمىسىن رەسمي ٸسكە قوسۋ شاراسىندا مەملەكەت باسشىسى نۇرسۇلتان نازارباەۆ ايتتى, دەپ حابارلايدى قازاقپارات تٸلشٸسٸ.
«Astana Hub» حالىقارالىق ٸت-ستارتاپتار تەحنوپاركٸ يننوۆاتسييالىق ەكوجٷيەنٸڭ ٶزەگٸنە اينالادى. تەحنوپارك قاتىسۋشىلارى جەڭٸلدەتٸلگەن ۆيزالىق جەنە ەڭبەك رەجٸمدەرٸن پايدالانا الادى. ولارعا سالىقتىق جەنە ٶزگە دە جەڭٸلدٸكتەر بەرٸلەدٸ. ونىڭ بازاسىندا مەنتورلىق ينستيتۋتى قۇرىلىپ, ساراپشىلار ستارتاپ-كوماندالاردى سٷيەمەلدەيتٸن بولادى. بٷگٸن مەن R&D زەرتحانا جۇمىسىمەن , ستارتاپ-كومپانييالارلارمەن تانىستىم. مۇنىڭ بارلىعى قاتتى تاڭعالدىرادى ەرٸ قۋانتادى. ەگەر ەكسپو-2017 بولماعاندا بۇل عيمارات تا بولماس ەدٸ», - دەدٸ ەلباسى.
قازاقستان پرەزيدەنتٸ ەلٸمٸزدٸڭ جاستار ستارتاپ جوبالارىن دامىتۋ ٷشٸن ارنايى عيمارات سالدىرماق ويى بولعانىن اتاپ ٶتتٸ.
«دەگەنمەن, ەندٸگٸ ۋاقىتتا ەلٸمٸزدە تابىستى ٶتكەن ەكسپو-2017-دەن قالعان دايىن عيماراتتى پايدالانامىز. ەندٸگٸ ۋاقىتتا بٸزگە ٸت-تالانتتاردىڭ جاڭا گەنەراتسيياسىن تابىستى جٷرگٸزۋ قاجەت. نەگٸزگٸ ماقسات - اقىلدى, تالانتتى, قابٸلدەتتٸ بالالارعا جەردەم مەن كٶمەك كٶرسەتۋ. بٸز جەكە باستامالاردى, باعدارلامالاۋ مەكتەپتەرٸن, روبوتوتەحنيكا مەن كيبەرسپورت بويىنشا سپارتاكيادالار مەن وليمپيادالاردى جان-جاقتى قولدايمىز. جوعارى وقۋ ورىندارىندا بٸلٸم بەرۋ باعدارلاماسى جاڭارتىلدى», - دەدٸ مەملەكەت باسشىسى.
سونىمەن قاتار پرەزيدەنت بٷگٸندە ٶز بەتتەرٸندە حالىقارالىق نارىق شىققان جاستارىمىزدىڭ دا بار ەكەندٸگٸن, ولاردىڭ جەتٸستٸكتەرٸنە قۋاناتىندىعىن باسا ايتتى.
بۇعان دەيٸن نۇرسۇلتان نازارباەۆ «Astana Hub» جۇمىسىن رەسمي ٸسكە قوسقانىن حابارلاعان ەدٸك. سونداي-اق, قازاقستاندا ٸت-ۋنيۆەرسيتەت قۇرىلماق.
