Elordalyq «Astana» fýtbol klýbynyń Facebook paraqshasyna hakerler shabýyl jasady, dep habarlaidy "Ult aqparat".
Aqparatty agenttik tilshisine klýbtyń baspasóz qyzmeti rastady. Sonymen qatar klýb osy máselege qatysty resmi málimdeme jasady.
«Qurmetti jankúierler! Ókinishke qarai, klýbtyń Facebook-tegi resmi toby hakerlik shabýylǵa ushyrady.
Barlyq jankúierlerden áleýmettik jeli ákimshiligi ony buzylǵan dep anyqtaýy úshin Facebook tobyndaǵy jańalyqtarǵa shaǵym jiberýdi suraidy.
Jaqyn arada biz klýbtyń Facebook-tegi jańartylǵan paraqshasy týraly habarlaimyz. Al oǵan deiin basqa áleýmettik jelilerdegi paraqshalardan jańalyqtardy oqi alasyzdar», delingen klýbtyń resmi saitynda.
