1-22 jeltoqsan kúnderi elordada Astana formatyndaǵy Siriia jóninde joǵary deńgeidegi kezdesý ótedi, dep habarlaidy QazAqparat.
«Kezdesý 21-22 jeltoqsan kúnderi oflain formatynda ótedi. Oǵan barlyq tarap qatysatyndyǵyn rastady», - dedi QR Syrtqy ister ministrliginiń resmi ókili Aibek Smadiiarov.
Onyń atap ótýinshe, júzbe-júz kezdesýge kepilger elder – Resei, Túrkiia jáne Iran, sonymen qatar baiqaýshylar qatysatyn bolady.
Aita keteiik, Astana formatyndaǵy Siriia boiynsha 16-shi halyqaralyq kezdesý osy jylyń 8 shildesinde ótken bolatyn. Kezdesý qorytyndysynda Astana formatyndaǵy kelissózdiń kepilger elderi Iran Islam Respýblikasy, Resei Federatsiiasy jáne Túrkiia Respýblikasynyń birlesken málimdemesi qabyldanǵan edi.
Onda: «Iordaniia, Irak jáne Livan delegatsiialarynyń, Birikken Ulttar Uiymy men Halyqaralyq qyzyl krest uiymy ókilderiniń Astana formatyndaǵy baiqaýshylar retinde qatysýyn rizashylyqpen atap óttik. Qazaqstan biligine Nur-Sultan qalasynda Astana formatyndaǵy Siriia boiynsha 16-shy halyqaralyq kezdesýdi ótkizgeni úshin shynaiy alǵysymyzdy bildirdik», - delingen.
