"Astana EKSPO-2017" UK" AQ basqarma tóraǵasy bolyp Erbol Shormanov taǵaiyndaldy. Bul týraly ulttyq kompaniianyń baspasóz qyzmeti habarlady.
Búgin QR Ulttyq ekonomika ministri Timýr Súleimenov ulttyq kompaniia ujymyna jańa basshyny tanystyryp, aldaǵy jumystyń baǵyt-baǵdaryna toqtalyp ótti.
«Memleket basshysy N.Nazarbaevtyń tapsyrmasyna sáikes, «Astana EKSPO-2017» UK» AQ aldaǵy ýaqytta óz jumysyn jalǵastyryp, jaýapkershiligi mol mindettemelerdi júzege asyratyn bolady. Biyl tsifrlyq Qazaqstan baǵytyndaǵy mańyzdy elementterdiń biri - «Astana» halyqaralyq qarjy ortalyǵy jáne IT-startaptar tehnoparki óz jumysyn bastaýy tiis», - dedi ministr.
E.Shormanov 2015 jylǵy 20 tamyzdan bastap «Astana EKSPO-2017» UK» AQ basqarma tóraǵasynyń orynbasary, keiin basqarma tóraǵasynyń mindetin atqarýshy qyzmetin atqardy.
Aita keteiik, Shormanov Erbol Álimqululy 1968 jylǵy 20 tamyzda dúniege kelgen. Ol Almaty halyq sharýashylyǵy institýtyn támamdaǵan. Erbol Shormanov eńbek jolyn 1991 jyly QR Keden organdarynda bastap, 2005 jylǵa deiin qyzmet etti.
Ulttyq kompaniiaǵa deiin, Almaty qalasy ákiminiń orynbasary laýazymynda shahardaǵy turǵyn úi-kommýnaldyq sharýashylyǵy, abattandyrý, ekologiia, energetika, ónerkásip, saýda, shaǵyn biznes, sanitarlyq-epidemiialogiialyq ahýal máselelerin qadaǵalady. Sondai-aq, Almaty qalasy ákimi apparatyna, Kásipkerlik jáne ónerkásip departamentine jetekshilik etti.
