Foto: Aqorda
Shanhai yntymaqtastyq uiymy sammitiniń Astana deklaratsiiasy qabyldandy. Qujatqa uiymǵa múshe memleketterdiń basshylary qol qoidy.
Aita keteiik, elordadaǵy Táýelsizdik saraiynda Qazaqstan tóraǵalyǵymen Shanhai yntymaqtastyq uiymynyń sammiti bastaldy.
Qazaqstan Prezidenti Qasym-Jomart Toqaev ShYU sammitine kelgen mártebeli meimandardy qarsy alyp, qol alysty. El basshylaryn qarsy alý rásimi aiaqtaldy.
Belarýs ShYU-nyń tolyqqandy múshesi boldy. Shanhai yntymaqtastyq uiymynyń sammitinde múshe memleketterdiń basshylary Belarýs Respýblikasyn Uiym múshelegine qabyldaýǵa qatysty birqatar qujatqa qol qoidy.
Shanhai yntymaqtastyq uiymy halyqaralyq qatynas júiesiniń mańyzdy tetigine ainaldy. Bul týraly sammitte Memleket basshysy Qasym-Jomart Toqaev aitty.
