Elordalyq dárigerler qaladaǵy epidemiologiialyq jaǵdaiǵa alańdaýly. Infektsiialyq statsionarlarda naýqastar kóbeigen, árbir ekinshi patsientke ottegi kontsentratory qajet.
Aýrýhanalarda ózdiginen demala almai qalǵan 40 adam ókpeni jasandy jeldetý apparatynda jatyr, dep habarlaidy "Ult aqparat" ákimdiktiń saityna silteme jasap.
Mundai jaǵdai elordalyq dárigerlerdi alańdatyp otyr, aq halattylar qala turǵyndaryn saq bolýǵa, karantin men shekteý sharalaryn buzbaýǵa shaqyrady.
Tek vaktsinatsiia ózińizdi jáne jaqyndaryńyzdy qorǵaýǵa, ujymdyq immýnitetti qalyptastyrýǵa múmkindik beredi.
«Tek ótken táýlikte ǵana infektsiialyq statsionarlarǵa 178 adam jatqyzyldy. Tósekter birden tolyp jatyr! Árbir ekinshi naýqasqa ottegi kontsentratory qajet, olar invazivti emes jeldetý astynda jatyr. Al jaǵdaiy tym nasharlar ókpeni jasandy jeldetý apparatyna qosylǵan», — deidi juqpaly aýrýlar aýrýhanalarynyń meditsina qyzmetkerleri.
Dárigerler jaǵdaiy aýyr naýqastardyń basym bóligi ekpe almaǵan, onymen qosa sanitarlyq talaptardy elemei, saltanatty is-sharalarǵa qatysqan nemese uiymdastyrǵan azamattar ekenin aitady.
«Bizde bir erli-zaiyptylar boldy. Tekserý júrgizgen kezde olar jaqynda ǵana adam kóp jinalǵan mereitoiǵa barǵanyn moiyndady. Kózine jas alyp, eshqaida shyqpaǵanymyz durys bolar edi dep ókinishin bildirdi. Óitkeni ol kezde kúieýiniń jaǵdaiy tym nashar edi. Densaýlyqpen oinamaý kerektigin taǵy da eske salǵym keledi. Eger siz sanitarlyq normalardy saqtamasańyz jáne ekpe almasańyz, onda «maǵan aýrý juqpaidy» dep erkin júre berýge bolmaidy», - deidi kovidtik aýrýhanalardyń birinde jumys isteitin juqpaly aýrýlar dárigeri Gúlbaqyt Adijanova.
2 tamyzdaǵy jaǵdai boiynsha Nur-Sultan qalasynyń infektsiialyq statsionarlarynda 2903 naýqas jatyr.
Reanimatsiiada 260 adam, 40 patsient ÓJJ apparatyna qosylǵan.
Qazirgi ýaqytta COVID-19-ben kúresý úshin qalada 16 statsionar jáne 6 myńnan astam meditsina qyzmetkeri jumyldyrylǵan.
