Búgin Ońtústik Qazaqstan oblystyq máslihatynyń kezekten tys on toǵyzynshy sessiiasy ótti. Jiynnyń kún tártibinde 6 másele qaraldy, dep habarlaidy "Ult aqparat" OQO ákiminiń baspasóz qyzmetine silteme jasap.
Basqosýǵa oblys ákimi J.Túimebaev, oblystyq máslihat hatshysy Q.Balabiev, oblystyq máslihat depýtattary, qala jáne aýdan ákimderi, oblystyq, aýmaqtyq departament, basqarma basshylary qatysty.
Sessiianyń jumysyn oblystyq máslihat sessiiasynyń tóraǵasy D. Ábish júrgizip otyrdy.
Birinshi kezekte halyq qalaýlylary oblystyq maslihattyń «2018-2020 jyldarǵa arnalǵan oblystyq biýdjet týraly» sheshimine ózgerister men tolyqtyrý engizý jaiyn talqylady. Bul týraly oblystyq ekonomika jáne biýdjettik josparlaý basqarmasynyń basshysy Arman Sábitov baiandama jasady.
Sondai-aq, sessiia barysynda oblystyq máslihatynyń turaqty komissiialarynyń quramyna ózgerister engizý máselesi de qaraldy.
Sessiiada «Ońtústik Qazaqstan oblysy ákimdigi janyndaǵy múgedekter isi jónindegi keńestiń derbes quramyn bekitý týraly» sheshimine ózgerister engizildi.
Kún tártibinde «Ońtústik Qazaqstan oblysynyń Qurmetti azamaty» ataǵyn berý týraly» másele boiynsha oblys ákimi apparaty basshysynyń mindetin atqarýshy Qanat Tólendiev sóz alyp, marapattalatyndardyń esimderin atady.
Munan soń baiandama jasaǵan oblystyq máslihattyń memlekettik-quqyq máseleleri jáne jergilikti ózin-ózi basqarý jónindegi turaqty komissiiasynyń tóraǵasy Ómirzaq Meldehanov oblystyń ákimshilik-iskerlik ortalyǵy ornalasqan Astana dańǵylyn elimizdiń Tuńǵysh Prezidenti Nursultan Ábishuly Nazarbaevtyń esimimen ataýdy usyndy. Halyq qalaýlysynyń bul usynysyn maslihat depýtattary biraýyzdan qoldady.
Sessiiany qorytyndylaǵan oblys ákimi Janseiit Qanseiituly Elbasymyz biylǵy jylǵy Qazaqstan halqyna arnaǵan «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Joldaýynda atalǵan negizgi 10 baǵyt boiynsha atqarylýy tiis jumystarǵa toqtaldy.
«Elbasy Joldaýynda birinshi baǵyt - «Indýstriialandyrý jańa tehnologiialardy engizýdiń kóshbasshysyna ainalýy tiis» dep atap kórsetti. Bul baǵyttaǵy jumysty Ońtústik Qazaqstan oblysy barynsha jedeldetetin bolady. Óńirimizde 11 indýstriialdy aimaqtyń áleýetin barynsha paidalanýdy tiimdi turǵydan júzege asyrýymyz kerek. Elbasynyń ekinshi qoiyp otyrǵan mindeti «Resýrstyq áleýetti odan ári damytý. Óńirimizde bul baǵytta da keleli jumystar qolǵa alynyp otyr», - dedi Janseiit Qanseiituly.
Óńir basshysy 2018 jyly oblystyq biýdjet kólemi 504,6 mlrd. teńgege ulǵaiyp otyrǵanyn da jetkizdi. Ol sondai-aq, biylǵy jyly aýyl sharýashylyǵyn sýbsidiialaýǵa jáne mikrokreditteýge 6,8 mlrd. teńge qarastyrylyp otyrǵanyn málimdedi.
