Foto: QR TJM baspasóz qyzmeti
Astana halyqaralyq áýejaiynyń baspasóz qyzmeti órtke qatysty jaǵdaidy túsindirip, keibir reis keshiktirilgenin málim etti, dep habarlaidy "Ult Aqparat" BAQ.KZ-ke silteme jasap.
27 aqpan tańǵy 07:50-de Astana halyqaralyq áýejaiynyń kommýtatsiialyq júiesinen órt shyqqany týraly habarlama keldi. 08:24-te órt tolyqtai aýyzdyqtaldy. Órt sóndirý kezinde qatty tútinniń paida bolýyna bailanysty áýejai terminalyndaǵy barlyq jolaýshy qaýipsiz jerge evakýatsiialandy. 20 negizgi tehnika, 3 arnaiy tehnika jáne 58 adam órtke qarsy jumysqa jumyldyryldy.
Astana halyqaralyq áýejaiy ushyp keletin reisterdi qabyldaýdy toqtatqan joq. Alaida Astana halyqaralyq áýejaiynan ushatyn 18 reis keshiktirilýde. Olar: KS205 Astana-Dýbai, DV702 Astana-Shymkent, KS 952 Astana-Almaty, IQ389 Astana-Jezqazǵan, KS 7052 Astana –Almaty, DV783 Astana-Óskemen, KS 313 Astana-Aqtaý, TK 357 Astana-Ystambul, DV 747 Astana-Pavlodar, KS7341 Astana-Qostanai, DV821 Astana-Pýlkovo, KS 852 Astana-Almaty, KS7315 Astana – Qyzylorda, Lo196 Astana-Varshava, IQ367 Astana- Qostanai, DV716 Astana-Shymkent, IQ437 Astana-Petropavl, KS345 Astana-Óskemen, - delingen habarlamada.
Keshiktirilgen reisterdiń naqty ushý ýaqyty belgisiz. Jaǵdai turaqtalǵannan soń reister qalypqa keltiriledi. Qolaisyzdyq úshin jolaýshylarymyzdan keshirim suraimyz. Jolaýshylarǵa Astana halyqaralyq áýejaiynyń ákimshiligi sý men sýsyn usynýda. Aldaǵy ýaqytta ákimshilik jolaýshylardy jeńil taǵammen qamtamasyz etedi.
