فوتو: قر تجم باسپاسٶز قىزمەتٸ
استانا حالىقارالىق ەۋەجايىنىڭ باسپاسٶز قىزمەتٸ ٶرتكە قاتىستى جاعدايدى تٷسٸندٸرٸپ, كەيبٸر رەيس كەشٸكتٸرٸلگەنٸن مەلٸم ەتتٸ, دەپ حابارلايدى "ۇلت اقپارات" BAQ.KZ-كە سٸلتەمە جاساپ.
27 اقپان تاڭعى 07:50-دە استانا حالىقارالىق ەۋەجايىنىڭ كوممۋتاتسييالىق جٷيەسٸنەن ٶرت شىققانى تۋرالى حابارلاما كەلدٸ. 08:24-تە ٶرت تولىقتاي اۋىزدىقتالدى. ٶرت سٶندٸرۋ كەزٸندە قاتتى تٷتٸننٸڭ پايدا بولۋىنا بايلانىستى ەۋەجاي تەرمينالىنداعى بارلىق جولاۋشى قاۋٸپسٸز جەرگە ەۆاكۋاتسييالاندى. 20 نەگٸزگٸ تەحنيكا, 3 ارنايى تەحنيكا جەنە 58 ادام ٶرتكە قارسى جۇمىسقا جۇمىلدىرىلدى.
استانا حالىقارالىق ەۋەجايى ۇشىپ كەلەتٸن رەيستەردٸ قابىلداۋدى توقتاتقان جوق. الايدا استانا حالىقارالىق ەۋەجايىنان ۇشاتىن 18 رەيس كەشٸكتٸرٸلۋدە. ولار: كس205 استانا-دۋباي, DV702 استانا-شىمكەنت, كس 952 استانا-الماتى, IQ389 استانا-جەزقازعان, كس 7052 استانا –الماتى, DV783 استانا-ٶسكەمەن, كس 313 استانا-اقتاۋ, تك 357 استانا-ىستامبۇل, DV 747 استانا-پاۆلودار, كس7341 استانا-قوستاناي, DV821 استانا-پۋلكوۆو, كس 852 استانا-الماتى, كس7315 استانا – قىزىلوردا, Lo196 استانا-ۆارشاۆا, IQ367 استانا- قوستاناي, DV716 استانا-شىمكەنت, IQ437 استانا-پەتروپاۆل, كس345 استانا-ٶسكەمەن, - دەلٸنگەن حابارلامادا.
كەشٸكتٸرٸلگەن رەيستەردٸڭ ناقتى ۇشۋ ۋاقىتى بەلگٸسٸز. جاعداي تۇراقتالعاننان سوڭ رەيستەر قالىپقا كەلتٸرٸلەدٸ. قولايسىزدىق ٷشٸن جولاۋشىلارىمىزدان كەشٸرٸم سۇرايمىز. جولاۋشىلارعا استانا حالىقارالىق ەۋەجايىنىڭ ەكٸمشٸلٸگٸ سۋ مەن سۋسىن ۇسىنۋدا. الداعى ۋاقىتتا ەكٸمشٸلٸك جولاۋشىلاردى جەڭٸل تاعاممەن قامتاماسىز ەتەدٸ.
