Astana áýejaiynda kedenshiler mobildi qurylǵylardy zańsyz ákelýdiń 10 áreketin toqtatty. Jolaýshylardyń júginen 223 iPhone 18 smartfony men 10 jup AirPods qulaqqaby tabyldy, dep habarlaidy ult.kz.
Memlekettik kirister komitetiniń málimetinshe, jolaýshylar «jasyl dáliz» arqyly ótken. Iaǵni olar mindetti deklaratsiialaýǵa jatatyn taýarlary joq ekenin málimdegen. Alaida tekserý kezinde jolaýshylardyń iri kólemde elektronika alyp kelgeni anyqtalǵan.
Oqiǵalardyń birinde jolaýshynyń júginen birden 50 smartfon tabylǵan.
MKK jeke tulǵa jeke paidalanýy úshin bir adamǵa ekiden artyq uialy telefon ákele almaitynyn eske saldy. Eger taýardyń sany nemese sipaty belgilengen shekten asyp ketse, ony deklaratsiialap, tiisti kedendik rásimderden ótkizý qajet.
Kedenshiler anyqtaǵandai, zańsyz taýar tasymaldaǵandardyń tórteýi jeke kásipker retinde tirkelgen. Taǵy tórteýi qurylǵylardy JK retinde tirkelmei ákelmek bolǵan.
Tabylǵan smartfondar men qulaqqaptardyń barlyǵy ýaqytsha saqtaý qoimasyna ornalastyryldy. Árbir jaǵdai boiynsha zań buzýshylardy ákimshilik jaýapkershilikke tartý máselesi qaralyp jatyr.
