Qazaqstan Jazýshylar odaǵy el astanasynyń "Nur-Sultan" bolyp ózgerýine qatysty pikir bildirdi.
Qazaqstan Jazýshylar odaǵynyń
MÁLIMDEMESI
Qazaqstan – qaita túleýdiń, turaqtylyq pen yntymaqtyń, tarihi oqiǵalardyń otany.
Táýelsizdik týyn alǵash kótergen kúnnen bastap, osy jyldar aralyǵynda oryn alǵan oqiǵalardyń bári kóz aldymyzda. Óz Ánuranymyzdyń alǵash shyrqalǵany, Eltańbamyzdyń mekememizdiń mańdaishasyna alǵash ilingeni, Ulttyq valiýtamyzdyń alǵash qoldanysqa engeni, keiingi jyldardaǵy ekonomikalyq órleý, elimizdiń halyqaralyq uiymdarda kóshbasshy retinde tanylýy, Aziada, EKSPO syndy iri halyqaralyq sharalar... Biz osynyń bárine kýámiz.
Egemendi el retindegi esten ketpes taǵy bir tarihi oqiǵa Elordamyz Astana qalasynyń salynýy. Eńsesin endi ǵana tiktegen jas memlekettiń álemdi aýzyna qaratqan osyndai alyp qala salýy úlken táýekel ári tarihi sheshim. Muny tek Qazaqstan halqy ǵana emes, búkil álem aitýda.
Munda osynaý tarihi sheshimdi qabyldap, ulttyq sipattaǵy qalanyń irgetasyn qalaǵan Ult kóshbasshysy Nursultan Nazarbaevtyń eńbegi eren. Ózi basshylyqqa alyp Báiterek, Hanshatyr, «Qazaq eli» memorialdy kesheni syndy nysandardy jańa astananyń, qala berdi, barsha halyqtyń kóz qýanyshy, maqtanyshyna ainaldyrdy.
19 naýryz kúni Nursultan Ábishuly jalpy halyqqa málimdeme jasap, prezidenttik ókilettigin toqtatatynyn aitty. Memleket Basshysy bolyp Qasym-Jomart Toqaev bekitildi. Mine, Qazaqstan jarqyn bolashaqqa qarai taǵy bir qadam basty.
Jańa Memleket basshysy barsha qazaqstandyqtardyń aldynda Elordamyzǵa «Nur-Sultan» ataýyn berý jóninde usynys bildirdi. Bul oryndy usynys. Bul álem halyqtarynyń tájiribesinde bar dúnie. Sonymen qatar, Elbasynyń Astana qalasynyń salynýynda sińirgen eńbegin esh nársemen ólsheý múmkin emes.
Qazaqstan Jazýshylar odaǵy basqarmasy hatshylyǵy Elordamyzdyń ataýyn «Nur-Sultan» dep ózgertý jónindegi sheshimdi quptaidy.
Elordamyz bolashaqpen birge kórkeiip, kemeldene túsip, halyqpen birgen jasai beretinine senim bildiremiz.
.jpeg)