Premer-Ministrdiń Birinshi orynbasary – qarjy ministri Álihan Smaiylov QR Úkimetiniń baspasóz ortalyǵynda ótken baspasóz konferentsiiasynda elorda ataýyn ózgertýdiń el biýdjetine salmaǵy týraly aityp berdi.
Jýrnalisterdiń suraqtaryna jaýap bere otyryp, Á. Smaiylov Qazaqstan astanasynyń ataýyn Nur-Sultan dep ózgertýge bailanysty normativtik-quqyqtyq aktilerge qosymsha qarajat bólý boiynsha ózgerister engizý qajet emestigin atap aitty. Barlyǵy aǵymdaǵy biýdjet aiasynda iske asyrylatyn bolady.
«Jaqynda bizdiń astanamyzdyń ataýyn Nur-Sultan dep ózgertý týraly zań qabyldandy, osyǵan bailanysty respýblikalyq nemese jergilikti biýdjetten qandai da bir qosymsha qarajat qarastyrylyp otyrǵan joq. Ortalyq memlekettik organdarǵa kelsek, Nur-Sultan qalasynyń aýmaǵyndaǵy ǵimarattardyń mańdaishalaryndaǵy jazýlardy aýystyrý úshin qarajat qajet, biraq aǵymdaǵy qarjylandyrý aiasynda olar qarjylandyryla alady, iaǵni memlekettik organdarǵa jyl saiynǵy bólinetin qarajat aiasynda», — dedi qarjy ministri.
Blank ónimderine qatysty da aitarlyqtai shyǵyndar kútilmeidi.
«Memlekettik organdardyń elektrondy qujat ainalymyna kóshkenin eskerý qajet, sondyqtan blankterdi basyp shyǵarý úshin qandai da bir aitarlyqtai shyǵyndar qajet emes», — dep atap ótti ol.
Jergilikti atqarýshy organdar ǵimarattarynyń mańdaishalaryndaǵy jazýlarǵa, kórsetkishterge kelsek, Á. Smaiylov atap ótkendei, olardy aýystyrý asyra oryndaýdy eskerýmen jergilikti biýdjet qarajaty esebinen iske asyrylatyn bolady.
«Men keshe qala ákimi B. Sultanovpen sóilestim», — dedi Á. Smaiylov jáne jalpy qaladaǵy eskirgen mańdaisha jazýlaryn, kórsetkishterdi aýystyrýǵa jyl saiyn jergilikti biýdjette qarajat qarastyrylatynyn túsindirdi, iaǵni bular aǵymdaǵy shyǵyndar, onyń aiasynda ákimdik osy mańdaisha jazýlaryn, kórsetkishterdi birtindep aýystyrýdy josparlap otyr, aldymen qalaǵa kire beristerde aýystyrylatyn bolady, odan keiin kezeń-kezeńmen qajetti jerlerde aýystyrylady. Basqasha aitqanda, qala biligi bul maqsatqa qandai da bir qosymsha qarajat bólýdi josparlap otyrǵan joq.
