پرەمەر-مينيستردٸڭ بٸرٸنشٸ ورىنباسارى – قارجى مينيسترٸ ەليحان سمايىلوۆ قر ٷكٸمەتٸنٸڭ باسپاسٶز ورتالىعىندا ٶتكەن باسپاسٶز كونفەرەنتسيياسىندا ەلوردا اتاۋىن ٶزگەرتۋدٸڭ ەل بيۋدجەتٸنە سالماعى تۋرالى ايتىپ بەردٸ.
جۋرناليستەردٸڭ سۇراقتارىنا جاۋاپ بەرە وتىرىپ, ە. سمايىلوۆ قازاقستان استاناسىنىڭ اتاۋىن نۇر-سۇلتان دەپ ٶزگەرتۋگە بايلانىستى نورماتيۆتٸك-قۇقىقتىق اكتٸلەرگە قوسىمشا قاراجات بٶلۋ بويىنشا ٶزگەرٸستەر ەنگٸزۋ قاجەت ەمەستٸگٸن اتاپ ايتتى. بارلىعى اعىمداعى بيۋدجەت اياسىندا ٸسكە اسىرىلاتىن بولادى.
«جاقىندا بٸزدٸڭ استانامىزدىڭ اتاۋىن نۇر-سۇلتان دەپ ٶزگەرتۋ تۋرالى زاڭ قابىلداندى, وسىعان بايلانىستى رەسپۋبليكالىق نەمەسە جەرگٸلٸكتٸ بيۋدجەتتەن قانداي دا بٸر قوسىمشا قاراجات قاراستىرىلىپ وتىرعان جوق. ورتالىق مەملەكەتتٸك ورگاندارعا كەلسەك, نۇر-سۇلتان قالاسىنىڭ اۋماعىنداعى عيماراتتاردىڭ ماڭدايشالارىنداعى جازۋلاردى اۋىستىرۋ ٷشٸن قاراجات قاجەت, بٸراق اعىمداعى قارجىلاندىرۋ اياسىندا ولار قارجىلاندىرىلا الادى, ياعني مەملەكەتتٸك ورگاندارعا جىل سايىنعى بٶلٸنەتٸن قاراجات اياسىندا», — دەدٸ قارجى مينيسترٸ.
بلانك ٶنٸمدەرٸنە قاتىستى دا ايتارلىقتاي شىعىندار كٷتٸلمەيدٸ.
«مەملەكەتتٸك ورگانداردىڭ ەلەكتروندى قۇجات اينالىمىنا كٶشكەنٸن ەسكەرۋ قاجەت, سوندىقتان بلانكتەردٸ باسىپ شىعارۋ ٷشٸن قانداي دا بٸر ايتارلىقتاي شىعىندار قاجەت ەمەس», — دەپ اتاپ ٶتتٸ ول.
جەرگٸلٸكتٸ اتقارۋشى ورگاندار عيماراتتارىنىڭ ماڭدايشالارىنداعى جازۋلارعا, كٶرسەتكٸشتەرگە كەلسەك, ە. سمايىلوۆ اتاپ ٶتكەندەي, ولاردى اۋىستىرۋ اسىرا ورىنداۋدى ەسكەرۋمەن جەرگٸلٸكتٸ بيۋدجەت قاراجاتى ەسەبٸنەن ٸسكە اسىرىلاتىن بولادى.
«مەن كەشە قالا ەكٸمٸ ب. سۇلتانوۆپەن سٶيلەستٸم», — دەدٸ ە. سمايىلوۆ جەنە جالپى قالاداعى ەسكٸرگەن ماڭدايشا جازۋلارىن, كٶرسەتكٸشتەردٸ اۋىستىرۋعا جىل سايىن جەرگٸلٸكتٸ بيۋدجەتتە قاراجات قاراستىرىلاتىنىن تٷسٸندٸردٸ, ياعني بۇلار اعىمداعى شىعىندار, ونىڭ اياسىندا ەكٸمدٸك وسى ماڭدايشا جازۋلارىن, كٶرسەتكٸشتەردٸ بٸرتٸندەپ اۋىستىرۋدى جوسپارلاپ وتىر, الدىمەن قالاعا كٸرە بەرٸستەردە اۋىستىرىلاتىن بولادى, ودان كەيٸن كەزەڭ-كەزەڭمەن قاجەتتٸ جەرلەردە اۋىستىرىلادى. باسقاشا ايتقاندا, قالا بيلٸگٸ بۇل ماقساتقا قانداي دا بٸر قوسىمشا قاراجات بٶلۋدٸ جوسپارلاپ وتىرعان جوق.
