«Astana» ÁKK» UK basqarǵan Aidarbek Hodjanazarov óz erkimen laýazymynan bosatylyp, kompaniianyń jańa basqarma tóraǵasy bolyp Nurlan Jakýpov taǵaiyndaldy, dep habarlaidy elorda ákimdiginiń media ortalyǵy.
«Ol qysqa merzim ishinde kompaniianyń damýyna qomaqty úles qosyp, ÁKK úzdik aimaqtyq damý institýtyna ainaldyrdy. Oǵan Ulttyq kásipkerler palatasynyń «Astana» ÁKK bergen «Eldiń úzdik áleýmettik-kásipkerlik korporatsiiasy» mártebesi dálel», - dedi qalalyq ákimdikte ótken apparat otyrysynda Astana ákimi Áset Isekeshev.
Atap aitqanda, aktivterdi basqarý bóliginde ÁKK kiristik normasy 3,5 esege ósti. Investorlarmen jumys ásteý jáne investitsiialyq áleýetti jaqsartý máselesinde 2016 jylmen salystyrǵanda, júzege asyrylǵan jáne qarastyrylǵan jobalar sany 4 ese kóbeidi, tartyrǵan investitsiia somasy 100 mlrd teńgeden asty.
«Kóshe saýdasyna - 1000 oryn» baǵdarlamasy elordanyń biznesti júrgizýge eń qolaily qala atanýyna múmkindik berdi. Sebebi baǵdarlamaǵa 1000 astam kásipker qatysyp, 1000 astam jumys ornyn ashty jáne 800 mln teńgeden astam jeke investitsiia tartty», - degen Astana ákimi Á.Isekeshev Aidarbek Hodjanazarovqa atqarǵan qyzmetine alǵys bildirip, jańa bastamalaryna sáttilik tiledi.
Al kompaniianyń jańa basqarma tóraǵasy bolyp Nurlan Jakýpov taǵaiyndaldy. Buǵan deiin ol «Astana» ÁKK»UQ direktorlar keńesiniń táýelsiz direktory laýazymynda bolǵan.
«Qarjylyq jáne basqarý salasynda 16 jyldan astam jumys ótili bar. «Qazatomónerkásip», «Taý-Ken Samuryq» syndy ulttyq kompaniialar men «RBS (Kazakhstan) enshiles banki syndy birqatar memlekettik jáne halyqaralyq kompaniialarda basqarýshy laýazymdardy atqardy. Jumysty qajetti deńgeide jalǵastyrý kerek. Jumysyńyzǵa sáttilik tileimin», - dedi Astana ákimi Á.Isekeshev kompaniianyń jańa tóraǵasyn tanystyryp.
