Elorda ákimdigine kóptep jinalǵan adamdar arasynda qyspaq bolyp, saldarynan 4-qabattaǵy qorshaýlar syndy, adamdar tómen qulady. Osyndai taqyryby jáne muqabasynda adamdar toby kórsetilgen video YouTube platformasynda taralyp jatyr, dep habarlaidy "Ult aqparat".
Video áleýmettik jeliler men messendjerlerde 8 naýryz qarsańynda kópbalaly analarǵa áleýmettik kómek berý týraly jańalyqtar aiasynda tarady. Jaǵdai Qazaqstan astanasynda bolǵan dep habarlandy. Alaida, basqa qalalarda bolǵany týraly nusqalar da bar.
Factcheck.kz saitynyń málimetinshe, bul video – feik.
«Bul video 2 naýryz kúni tańerteń Boliviiadaǵy El Alto ýniversitetinde túsirilgen. Kem degende jeti stýdent temir qorshaý synǵannan keiin ýniversitet ǵimaratynyń tórtinshi qabatynan qulap, mert boldy, beseýi aýyr jaraqat aldy.
Videoda stýdentterdiń tar dálizde syǵylysyp, májilis zalyna jinalysqa kirýge umtylǵany, sodan qorshaý shydamai, synyp ketkeni kórinedi.
El Alto ýniversietiniń Twitter-degi resmi paraqshasynda JOO-nyń resmi málimdemesi jariialandy.
Onda ýniversitet basshylyǵy 2 naýryz kúni tańerteń bolǵan osy oqiǵaǵa bailanysty qabyldanǵan sharalar týraly habarlaidy. Atap aitqanda, ýniversitet boiynsha 7 kúndik aza tutý jariialanǵan. El-Alto memlekettik ýniversiteti jaralanǵan jáne kóz jumǵan stýdentterdiń otbasylarymen bailanysta. Jaraqat alǵan ýniversitet stýdentterine meditsinalyq qyzmet kórsetý shyǵyndary jáne qaitys bolǵan stýdentterdi jerleý shyǵyndary óteledi.
«El-Alto memlekettik ýniversiteti oqiǵany tergeýge qatysý úshin Zańdy direktsiia arqyly Memlekettik ministrlikke shaǵym túsiredi. Ýniversitet basshylyǵy qaza tapqandardyń otbasyna qaiǵyryp kóńil aitady», - delingen málimdemede.
«Al Qazaqstanda merekege orai qarjylai áleýmetik kómek kórsetile me?» degen saýalǵa kelsek, «Nur-Sultan qalasynyń áleýmettik kómek berý, olardyń mólsherin belgileý jáne jekelegen sanattar tizimin anyqtaý erejeleri týraly» zań boiynsha, ataýly jáne mereke kúnderi áleýmettik kómek qarastyrylǵan. Onyń mólsheri – 2,5 AEK. Bul – shynymen de, shamamen 17 dollar (7 myń teńgeden sál asady)», - dep jazady factcheck.kz saity.
