Astana ákimi Baqyt Sultanov "vremiankalar" men turmysy nashar kópbalaly otbasylar máselesine qatysty suraqqa jaýap berdi.
"Problemalardy anyqtaý úshin qazir qala shetterindegi aýyldarda túgendeý júrgizilip jatyr, bul máselege birjaqty qaraýǵa bolmaidy", - dedi qala basshysy memlekettik qyzmet isteri jáne sybailas jemqorlyqqa qarsy is-qimyl agenttigi kollegiiasynyń otyrysynan keiin.
Ákimdik "Nurly jer" aiasynda birneshe baǵdarlamalany biriktirý arqyly keshendi sheshim qabyldaý týraly málimdedi.
"Belgili bir resýrstar bar. Mysaly, eski úilerdi buzý baǵdarlamasy júzege asyrylyp jatyr, qazir aldanyp qalǵan úleskerlerdiń máselesin sheshýge qarajat bóldik, biz osy resýrstarmen qatar "Nurly jer" aiasynda baspana salý baǵdarlamasyn biriktire otyryp, qala shetindegi problemalardy sheship jatyrmyz", - dep atap ótti Sultanov.
Osy baǵyttaǵy jumys alǵa ilgerileýi úshin, ákimniń pikirinshe, tóleý qabileti men áleýmettik járdem kózqarasy turǵysynan qarastyryp, jumyspen qamtý jol kartasy, jeke kásipkerlikke qoldaý kórsetý jáne basqa da baǵdarlamalarmen biriktirip jan-jaqty qarastyrý kerek.
Úkimette qurylǵan jumys toby birqatar usynystar jasaidy. Ákimdikte de komissiia men jumys toptary qurylady.
