Nur-Sultan qalasynyń ákimdigi Semei poligonynan zardap shekken azamattarǵa kómek kórsetý úshin qarjy bólýdi josparlap otyr. Bul jaiynda qalalyq Jumyspen qamtý jáne áleýmettik qorǵaý basqarmasy basshysynyń orynbasary Baqtiiar Garifýllin aitty, dep habarlaidy QazAqparat.
«Máslihat sheshiminiń jobasynda Semei iadrolyq synaq poligonyndaǵy iadrolyq synaqtar barysynda zardap shekken tulǵalarǵa ataýly datalarda 2,5 ailyq eseptik kórsetkish (1 AEK - 2917 teńge) mólsherinde áleýmettik kómek kórsetý kózdelgen. Bul sanatqa zeinetkerler men birrettik áleýmettik ótemaqy alýshylardy qosamyz», - dedi ol qalalyq qoǵamdyq keńes otyrysynda.
Onyń atap ótýinshe, atalǵan áleýmettik kómek júzege asqan jaǵdaida qala biýdjetinen 6,4 mln teńge qajet bolady.
«Bul másele boiynsha bizge Semeide zardap shekkender qoǵamyna kiretin qoǵamdyq birlestikten júgindi. Sondyqtan bul is-sharany qoǵamdyq keńes talqylaýyna shyǵaryp otyrmyz», - dedi Baqtiiar Garifýllin.
