Elorda ataýyn ózgertýge bailanysty qaladaǵy mańdaishalar men jol belgileri ózgertile bastady. Bul týraly Astana ákiminiń baspasóz hatshysy Aqmaral Oljabaeva málimdedi, - dep habarlaidy Tengrinews.kz.
"Ózderińiz bilesizder, Memleket basshysynyń Qazaqstan astanasy ataýyn Nur-Sultannan Astanaǵa qaita ózgertý týraly jarlyǵy kúshine endi. Qalada mańdaishalar, jol belgileri, aqparattyq taqtalardy jáne t.b. ózgertý jumystary bastaldy. Qujat ainalymy elektron formatta júrgiziletinin eskere otyryp, aqparattyq bazalarǵa tiisti ózgerister engizilip jatyr", - dep jazdy baspasóz hatshysy.
Sonymen qatar, ákimdiktiń, basqarmalardyń jáne vedomstvolyq baǵynysty uiymdardyń resmi resýrstary boiynsha derekter jańartylady.
"Mańdaishalardy, belgilerdi aýystyrý, aqparatty jańartý jumystary júieli túrde júrgiziledi", - dedi Aqmaral Oljabaeva.
