Nur-Sultan qalasynda Qazaqstan halqy Assambleiasynyń qoldaýymen Qazaqstan Respýblikasy Táýelsizdiginiń 30 jyldyǵyna arnalǵan «Dostyq jebe» atty dástúrli sadaq atýdan týrnir ótti, - dep habarlaidy «Ult aqparat».
Baq synaýshylar tek dástúrli ulttyq kiimde ǵana qatysqan týrnirdi Nur-Sultan qalasynyń «Jeruiyq» saiabaǵynda «Aqbýzat» bashqurt etnomádeni birlestigi «SADAQ ATY» respýblikalyq dástúrli sadaq atý federatsiiasy» RQB filialymen birlesip uiymdastyrdy.
«Bul sharany biz dástúrli túrde jyl saiyn uiymdastyryp turamyz. Biylǵy sharamyz Táýelsizdiktiń 30 jyldyǵyna tuspa-tus kelip otyr. Sharaǵa erler, áielder jáne jańadan úirenýshiler bolyp top-topqa bólinip, irikteldi. Árine, jańadan kelgenderge is-sharany uiymdastyrýshylar aldymen sheberlik synyptaryn ótkizdi. Qatysýshylar «Jańadan bastaýshylar» kategoriiasynda óner kórsetti. Bul bir oi salarlyq ári sergitetin shara boldy dep senemiz», - dedi «Aqbýzat» bashqurt etnomádeni birlestiginiń jetekshisi.
Aita keteiik, sadaq atýshy úmitkerler arasyna dúngen, bashqurt jáne kúrd ortalyqtarynyń ókilderi qosyldy. Sondai-aq Qaraǵandydan tájiribeli 30 mergen qatysty. Mergenderdiń jalpy sany 80 adamdy qurady.
«Men ózimdi mergen sanaitynym ras. Búgin sol mergendigimdi taǵy bir synaqtan ótkizdim. Nátijesinde búgingi týrnirde erler arasynda júldeli birinshi oryn ielendim. Sadaq ata alý, qolyna qarý ustai alý árbir er azamattyń paryzy ári mindeti dep bilemin. Óitkeni, otbasymyzdy da, otanymyzdy da qorǵaityn biz erler», - dedi erler arasynda birinshi oryn alǵan Azamat Nýrtaev.
Aita keteiik, Nur-Sultan qalasynyń QHA etnomádeni birlestikteriniń ókilderi arasynda jyl saiyn týrnir ótkizý josparlanyp otyr. Jeńimpazdarǵa diplomdar men medaldar tabystaldy.
Esterińizge sala keteiik, Nur-Sultan qalasynda Qazaqstan halqy Assambleiasynyń qoldaýymen Qazaqstan Respýblikasy Táýelsizdiginiń 30 jyldyǵyna arnalǵan «Dostyq jebe» atty dástúrli sadaq atýdan týrnir ótti. Baq synaýshylar tek dástúrli ulttyq kiimde ǵana qatysqan týrnirdi Nur-Sultan qalasynyń «Jeruiyq» saiabaǵynda «Aqbýzat» bashqurt etnomádeni birlestigi «SADAQ ATY» respýblikalyq dástúrli sadaq atý federatsiiasy» RQB filialymen birlesip uiymdastyrdy.
