Qazaqstan táýelsizdik jyldarynda halyqtar birligi men dostyǵynyń arqasynda turaqtylyqty saqtap keledi. Etnosaralyq kelisimdi, qoǵamdaǵy toleranttylyqty jáne halyq birligin odan ári nyǵaitýda Qazaqstan halqy Assambleiasynyń orny erekshe.
Assambleiany qurý ideiasyn alǵash ret Elbasy 1992 jyly ótken Qazaqstan halqynyń tuńǵysh forýmynda aitty. Forým jumysynda Memleket basshysy damyǵan elder qataryna qosylý úshin el turǵyndary bai, ál-aýqaty joǵary ómir súrý deńgeiine jetý úshin halyqtyń yntymaǵy, birligi men tatýlyǵynyń negizgi ról atqaratynyn erekshe atap ótti.
Qazirgi tańda Assambleia etnosaralyq jáne konfessiiaaralyq qatynastar salasyndaǵy memlekettik saiasatty júzege asyrýshy mańyzdy quralǵa ainaldy. Elimizde turmys keship jatqan barlyq etnostyń ózara teń quqyqty qatynasyn qamtamasyz etýshi rólge ie birden-bir uiym bolyp otyr.
Halyq úshin beibit zamanda mamyrajai ómir súrýden artyq eshqandai baqyt joq. Osy oraida túrli ult pen ulys ókilderiniń basyn bir shańyraq astynda biriktirip otyrǵan Qazaqstan álem elderi úshin de úlgi.
.jpeg)