Qazaqstan dziýdo federatsiiasynyń prezidenti Qairat Qojamjarovtyń ókilettiligin merziminen buryn toqtatý týraly usynysynan keiin QDF bas hatshysy Ashat Jitkeev prezident mindetin atqarýshy qyzmetine taǵaiyndaldy, dep habarlaidy Olympic.kz.
Óz kezeginde Qojamjarov otandyq dziýdo qaýymdastyǵyna alǵysyn bildirdi.
"Dziýdo federatsiiasynyń prezidenti ókilettigin merziminen buryn toqtatýyma bailanysty barlyq qazaqstandyq dziýdoshylarǵa, jattyqtyrýshylarǵa, federatsiia menedjerlerine, Dziýdo dep atalatyn úlken otbasymyzǵa shynaiy alǵysymdy bildiremin!
Sizdermen birge jumys istegen qysqa merzim ishinde joǵary kásibiliktiń jáne jattyqtyrýshylar men sportshylardyń kúsh-jigeriniń arqasynda joǵary jetistikterge qol jetkizildi.
Halyqaralyq týrnirlerde 400-den astam medal jeńip alyndy. 2019 jyly 16 salmaq dárejesinde álemniń 61 elinen 462 sportshynyń qatysýymen uldar men qyzdar arasynda álem chempionaty sátti ótti.
2021 jyldyń qorytyndysymen medaldar sany boiynsha Qazaqstan IJF halyqaralyq reitinginde 5-oryndy ielendi.
2021 jyly bizdiń Eldos Smetov Tokio-2020 XXXII jazǵy Olimpiada oiyndarynyń qola júldegeri atandy.
Sizderge birlesken tabystarymyz úshin shyn júrekten alǵysymdy bildiremin! Sizderge jańa jetistikter men jeńister tileimin!
Ujymǵa odan ári damý men yrys-bereke tileimin!", - delingen arnaiy habarlamada.
Qairat Qojamjarov 2018 jyldyń 23 qazanynan bastap Qazaqstan dziýdo federatsiiasynyń prezidenti qyzmetin atqaryp keldi. Federatsiianyń jańa prezidenti arnaiy Konferentsiiada sailanatyn bolady.
