QR Ulttyq ekonomika ministrligi Tabiǵi monopoliialardy retteý komiteti tóraǵasynyń mindetin atqarýshy Ashat Japsarbai jylytý tarifteriniń negizsiz kóterilgenin moiyndady, dep habarlaidy QazAqparat.
«Nur-Sultan qalasynda biz kóptegen tekserýler júrgizdik. Ózderińiz bilesizder, byltyr biz 20-dan astam tekserý bastaǵanbyz. Iá, shynymen de zańǵa qaishy faktiler boldy. Biz jylýmen jabdyqtaýshy uiymdardy ákimshilik jaýapqa tarttyq, biraq bul qaishylyqtar kóbinese jylýmen jabdyqtaýshy uiymdar men páter ielerik koperativteriniń, múlik ieleri birlestikteriniń quqyqtyq qatynastarynyń rettelmeýinen týyndaǵan. Saldarynan tutynýshylardyń artyq tólem jasaýyna negiz paida bolǵan. Mundai faktiler boldy», - dedi Ashat Japsarbai ortalyq kommýnikaiialar qyzmetinde ótkne brifingide.
Onyń aitýynsha, atalǵan olqylyqtar joiylǵan. Biraq bul búkil Nur-Sultan boiynsha jylý aqysy qaita esepteledi degen sóz emes.
«Biz tutynýshylardan artyq tólem alǵan jabdyqtaýshy uiymdarǵa artyq qarajatty qaitarý týraly uiǵarym shyǵardyq. Sondyqtan, bul jumys aýqymdy sipatta emes, ár turǵyn úi kesheninde ár túrli bolýy múmkin. Suraqtar bolsa, bizdiń komitetke egjei-tegjeili málimet usynýyńyzdy suraimyn. Biz bul máseleni kóterýge jáne zerdeleýge daiynbyz», - dep qorytyndylady komitet basshysy.
