Ashat Hasenov energetika vitse-ministri bolyp taǵaiyndaldy

Qazaqstan Respýblikasy Úkimetiniń qaýlysymen Ashat Ǵalymuly Hasenov Qazaqstan Respýblikasynyń energetika vitse-ministri qyzmetine taǵaiyndaldy.

Bul týraly QR Premer-Ministriniń baspasóz qyzmeti habarlaidy. 

Ashat Hasenov 1983 jyly Jambyl oblysynda dúniege kelgen. Q. Sátpaev atyndaǵy Qazaq ulttyq tehnikalyq ýniversitetin, Halyqaralyq biznes ýniversitetin támamdaǵan. Eńbek jolyn 2005 jyly «Torǵai Petroleým» AQ munai jáne gaz óndirý tsehynyń operatory bolyp bastady. 

2006-2010 jyldary — «Munai jáne gaz ónerkásibiniń bas dispetcherlik basqarmasy» AQ jetekshi mamany, bas mamany, ken oryndaryn ázirleý bóliminiń basshysy, departament direktorynyń orynbasary, tehnikalyq retteý departamentiniń direktory, vitse-prezidenti. 

2010-2011 jyldary — Indýstriia jáne jańa tehnologiialar ministrliginiń Tehnikalyq retteý jáne metrologiia komitetiniń Memlekettik baqylaý monitoringi jáne taldaý basqarmasynyń bas sarapshysy, basshysy. 

2011-2014 jyldary — QR Munai jáne gaz ministrliginiń Munai-gaz keshenindegi memlekettik inspektsiia komitetiniń memlekettik inspektsiia jáne ruqsat berý basqarmasynyń basshysy. 

2014-2019 jyldary — QR Energetika ministrliginiń Munai-gaz himiiasy ónerkásibin damytý jáne tehnikalyq retteý departamentiniń direktory. 

2019 jyldan bastap qazirgi ýaqytqa deiin «Qazmunaigaz» AQ qurylymynda jumys istedi.