Mektep kitaphanalaryna ásirese qazaq tilindegi ádebietterdi satyp alý kerek. Bul jaiynda Oqý-aǵartý ministri Ashat Aimaǵambetov aitty, dep habarlaidy QazAqparat.
«Bul máseleni 2 jyl boiy aityp kelemiz. Ózgeris bar... Balalardyń kitapqa qushtarlyǵyn oiatý, kitap oqýǵa baýlý jumysy negizinde óte joǵary deńgeide ótkizilip jatyr. Mektepterdiń kitap qory da jańartylýda. Onyń ishinde ásirese, qazaq tilinde ádebietter satyp alynyp, balalarǵa qoljetimdi bolýda. Óńirlerge barǵanda mindetti túrde kitaphanalarǵa kirip, osy máseleniń qalai iske asyp jatqanyn baqylaimyn. Mysaly Qostanai oblysyna bardym, kórdim. Kóp jumys júrgizilgen. Shymkent qalasynda úlken jumys júrgizilgenin baiqadym. Almaty qalasynda da kitaphanalarda jaqsy ózgeris bar», - dedi Ashat Aimaǵambetov ministrliktiń apparat jinalysynda.
Osy rette ministr elordada, Túrkistan, Pavlodar, Almaty oblystarynda mektep kitahanalarynyń qoryn tolyqtyrý jumystary kóńil kónshitpeitindigin basa aitty.
«Sondyqtan osy jumysty durys uiymdastyryńyzdar. Bul meniń jeke baqylaýymda. Bul – Prezident tapsyrmasy. Bul - balalarǵa kerek joba. Balalarǵa yńǵaily orta jasaý kerek. Qajeti ádebi týyndylardy satyp alý kerek. Biz balalarǵa qandai týyndylar satyp alyp berýimiz kerek? Balalarǵa qyzyqty bolýy qajet. Al sizder kelesizder de, baiaǵy sotsrealizm týyndylaryn, eresekterge ǵana qyzyqty týyndylardy satyp alasyzdar. Balalarǵa qyzyqty kitaptar joqtyń qasy. Qazirgi ýaqytta zamanaýi, balalar oqyp júrgen týyndylar qaida? Árine, oblystardyń kópshiligi tiisti deńgeide jumys istep jatyr. Biraq men atap ótken 4 óńirde kózim jetkenin aityp otyrmyn. Almaty, Shymket qalalarynda, Qostanai oblysynda balalarǵa eń qyzyqty ádebietter satyp alynǵan. Ásirese qazaq tilinde týyndylar satyp alý kerek. Ol qazaq tilinde degennen keiin tek qazaq avtorlary bolmaýy tiis. Dúniejúzilik, álem ádebietiniń týyndylaryn satyp alý mańyzdy», - dedi ol.
