مەكتەپ كٸتاپحانالارىنا ەسٸرەسە قازاق تٸلٸندەگٸ ەدەبيەتتەردٸ ساتىپ الۋ كەرەك. بۇل جايىندا وقۋ-اعارتۋ مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«بۇل مەسەلەنٸ 2 جىل بويى ايتىپ كەلەمٸز. ٶزگەرٸس بار... بالالاردىڭ كٸتاپقا قۇشتارلىعىن وياتۋ, كٸتاپ وقۋعا باۋلۋ جۇمىسى نەگٸزٸندە ٶتە جوعارى دەڭگەيدە ٶتكٸزٸلٸپ جاتىر. مەكتەپتەردٸڭ كٸتاپ قورى دا جاڭارتىلۋدا. ونىڭ ٸشٸندە ەسٸرەسە, قازاق تٸلٸندە ەدەبيەتتەر ساتىپ الىنىپ, بالالارعا قولجەتٸمدٸ بولۋدا. ٶڭٸرلەرگە بارعاندا مٸندەتتٸ تٷردە كٸتاپحانالارعا كٸرٸپ, وسى مەسەلەنٸڭ قالاي ٸسكە اسىپ جاتقانىن باقىلايمىن. مىسالى قوستاناي وبلىسىنا باردىم, كٶردٸم. كٶپ جۇمىس جٷرگٸزٸلگەن. شىمكەنت قالاسىندا ٷلكەن جۇمىس جٷرگٸزٸلگەنٸن بايقادىم. الماتى قالاسىندا دا كٸتاپحانالاردا جاقسى ٶزگەرٸس بار», - دەدٸ اسحات ايماعامبەتوۆ مينيسترلٸكتٸڭ اپپارات جينالىسىندا.
وسى رەتتە مينيستر ەلوردادا, تٷركٸستان, پاۆلودار, الماتى وبلىستارىندا مەكتەپ كٸتاحانالارىنىڭ قورىن تولىقتىرۋ جۇمىستارى كٶڭٸل كٶنشٸتپەيتٸندٸگٸن باسا ايتتى.
«سوندىقتان وسى جۇمىستى دۇرىس ۇيىمداستىرىڭىزدار. بۇل مەنٸڭ جەكە باقىلاۋىمدا. بۇل – پرەزيدەنت تاپسىرماسى. بۇل - بالالارعا كەرەك جوبا. بالالارعا ىڭعايلى ورتا جاساۋ كەرەك. قاجەتٸ ەدەبي تۋىندىلاردى ساتىپ الۋ كەرەك. بٸز بالالارعا قانداي تۋىندىلار ساتىپ الىپ بەرۋٸمٸز كەرەك? بالالارعا قىزىقتى بولۋى قاجەت. ال سٸزدەر كەلەسٸزدەر دە, باياعى سوتسرەاليزم تۋىندىلارىن, ەرەسەكتەرگە عانا قىزىقتى تۋىندىلاردى ساتىپ الاسىزدار. بالالارعا قىزىقتى كٸتاپتار جوقتىڭ قاسى. قازٸرگٸ ۋاقىتتا زاماناۋي, بالالار وقىپ جٷرگەن تۋىندىلار قايدا? ەرينە, وبلىستاردىڭ كٶپشٸلٸگٸ تيٸستٸ دەڭگەيدە جۇمىس ٸستەپ جاتىر. بٸراق مەن اتاپ ٶتكەن 4 ٶڭٸردە كٶزٸم جەتكەنٸن ايتىپ وتىرمىن. الماتى, شىمكەت قالالارىندا, قوستاناي وبلىسىندا بالالارعا ەڭ قىزىقتى ەدەبيەتتەر ساتىپ الىنعان. ەسٸرەسە قازاق تٸلٸندە تۋىندىلار ساتىپ الۋ كەرەك. ول قازاق تٸلٸندە دەگەننەن كەيٸن تەك قازاق اۆتورلارى بولماۋى تيٸس. دٷنيەجٷزٸلٸك, ەلەم ەدەبيەتٸنٸڭ تۋىندىلارىن ساتىپ الۋ ماڭىزدى», - دەدٸ ول.
