QR Bilim jáne ǵylym ministri Ashat Aimaǵambetov muǵalimderdiń ortasha jalaqysyn atady, dep habarlaidy QazAqparat.
«Otandyq bilim berýdi damytýdyń mańyzdy kezeńderiniń biri pedagogtardyń mártebesi týraly zańnyń qabyldanýy boldy. Ózderińizde bilesizder, Memleket basshysy zań qabyldaý jáne pedagogtardyń jalaqysyn keminde 2 ese ulǵaitý týraly mindet júktedi. Bul jumys júrgizilip jatyr, ózekti mindet», - dedi ministr QR Prezidenti janyndaǵy Adam quqyqtary jónindegi komissiia otyrysynda.
Onyń atap ótýinshe, 2019 jylǵa deiin pedagogika mamandyǵyna túsýdiń ortasha baly óte tómen, 55-60 baldy ǵana qurap keldi. Al zań qabyldanǵannan keiin 2019 jyldan bastap naqty is-sharalar qabyldanyp, atalǵan mamandyqtarǵa túsý shekti baly 75-ke jetti.
«Biylǵy UBT qorytyndysynda pedagogika mamandyǵyna túsýshilerdiń ortasha baly 96 baldy qurady. Quziretti, básekege qabiletti myqty túlekter osy mamandyqty tańdap jatqanyn bildiredi. Soǵan orai erteń mektepterimizdi myqty pedagogter keledi. Qazirdiń ózinde zań jumys istep tur deýge bolady», - dedi ol.
Ministr pedagogtardyń jalaqysy da aitarlyqtai óskenin atap ótti.
«Pedagogtardyń eńbek jaǵdailary jaqsardy. Jalaqy kóterildi. Eger eger zań jobasy qabyldanǵanǵa deiin ortasha jalaqy shamamen 109 teńge bolsa, búginde 200 myń teńgeden asyp tústi. Bul elimizdegi pedagogtardyń ortasha jalaqysy», - dedi Ashat Aimaǵambetov.
