قر بٸلٸم جەنە عىلىم مينيسترٸ اسحات ايماعامبەتوۆ مۇعالٸمدەردٸڭ ورتاشا جالاقىسىن اتادى, دەپ حابارلايدى قازاقپارات.
«وتاندىق بٸلٸم بەرۋدٸ دامىتۋدىڭ ماڭىزدى كەزەڭدەرٸنٸڭ بٸرٸ پەداگوگتاردىڭ مەرتەبەسٸ تۋرالى زاڭنىڭ قابىلدانۋى بولدى. ٶزدەرٸڭٸزدە بٸلەسٸزدەر, مەملەكەت باسشىسى زاڭ قابىلداۋ جەنە پەداگوگتاردىڭ جالاقىسىن كەمٸندە 2 ەسە ۇلعايتۋ تۋرالى مٸندەت جٷكتەدٸ. بۇل جۇمىس جٷرگٸزٸلٸپ جاتىر, ٶزەكتٸ مٸندەت», - دەدٸ مينيستر قر پرەزيدەنتٸ جانىنداعى ادام قۇقىقتارى جٶنٸندەگٸ كوميسسييا وتىرىسىندا.
ونىڭ اتاپ ٶتۋٸنشە, 2019 جىلعا دەيٸن پەداگوگيكا ماماندىعىنا تٷسۋدٸڭ ورتاشا بالى ٶتە تٶمەن, 55-60 بالدى عانا قۇراپ كەلدٸ. ال زاڭ قابىلدانعاننان كەيٸن 2019 جىلدان باستاپ ناقتى ٸس-شارالار قابىلدانىپ, اتالعان ماماندىقتارعا تٷسۋ شەكتٸ بالى 75-كە جەتتٸ.
«بيىلعى ۇبت قورىتىندىسىندا پەداگوگيكا ماماندىعىنا تٷسۋشٸلەردٸڭ ورتاشا بالى 96 بالدى قۇرادى. قۇزٸرەتتٸ, بەسەكەگە قابٸلەتتٸ مىقتى تٷلەكتەر وسى ماماندىقتى تاڭداپ جاتقانىن بٸلدٸرەدٸ. سوعان وراي ەرتەڭ مەكتەپتەرٸمٸزدٸ مىقتى پەداگوگتەر كەلەدٸ. قازٸردٸڭ ٶزٸندە زاڭ جۇمىس ٸستەپ تۇر دەۋگە بولادى», - دەدٸ ول.
مينيستر پەداگوگتاردىڭ جالاقىسى دا ايتارلىقتاي ٶسكەنٸن اتاپ ٶتتٸ.
«پەداگوگتاردىڭ ەڭبەك جاعدايلارى جاقساردى. جالاقى كٶتەرٸلدٸ. ەگەر ەگەر زاڭ جوباسى قابىلدانعانعا دەيٸن ورتاشا جالاقى شامامەن 109 تەڭگە بولسا, بٷگٸندە 200 مىڭ تەڭگەدەن اسىپ تٷستٸ. بۇل ەلٸمٸزدەگٸ پەداگوگتاردىڭ ورتاشا جالاقىسى», - دەدٸ اسحات ايماعامبەتوۆ.
