Kanikýl aiaqtalǵan soń qajet bolǵan jaǵdaida oqýshylardy qashyqtyqtan oqytý úshin daiyndyq jumystary júrgizilýde. Bul týraly Ortalyq kommýnikatsiialar ortalyǵynda ótken brifingte QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Kanikýl aiaqtalǵan soń qajet bolǵan jaǵdaida oqýshylardy qashyqtyqtan oqytý úshin daiyndyq jumystary júrgizilýde. Bul turǵyda arnaiy top qurǵan bolatynbyz. Bul top bir jarym ai boiy jumysyn atqaryp jatyr. Eger 5 sáýirden keiin jaǵdai rettelmeitin bolsa, biz qashyqtyqtan oqytý júiesine kóshýge daiynbyz. Qazirgi ýaqytta osy júieni kontentpen qamtamasyz etý, ony toltyrý, pedagogtardy oqytý, servisterdi testileý jáne basqa da jumystardy júrgizip, ony 5 sáýirge deiin aiaqtap, qajet bolǵan jaǵdaida osy jańa formatpen jumys isteýge daiyn bolamyz», - deidi Ashat Aimaǵambetov.
Ol barlyq kolledjder men JOO stýdentteri 16 naýryzdan bastap qashyqtyqtan oqytý tehnologiialary negizinde bilim alýǵa kóshkenin aitty.
«Oqý protsesi bekitilgen oqý júktemesine, josparyna sai júrgiziledi. Bizde 790 kolledj bar. Bári 100% atalǵan baǵdarlamany igerip otyr dep aita almaimyz, biraq basym kópshiligi osy baǵdarlamamen jumys istep jatyr. Biz tiisti monitoring júrgizip jatyrmyz. Muǵalimder de jańa júiege beiimdelýde. JOO-lar úshin qashyqtan oqý tehnologiiasymen tanys jáne kúnde paidalanyp júrgen quraldyń biri bolǵandyqtan qiyndyq týdyryp jatqan joq. Kóptegen ýniversitet tapsyrma berilgen sátten bastap birden qashyqtyqtan oqytý júiesine kóship ketse, qalǵany búgin kóshti», - deidi ol.
Eske salsaq, k anikýl aiaqtalǵan soń oqýshylar onlain oqýǵa kóshýi múmkin ekendigin buǵan deiin habarlaǵan bolatynbyz.
