QR bilim jáne ǵylym ministri Ashat Aimaǵambetov iri kólemde qarjy jymqyrdy degen kúdikpen ustalǵan «kómekshisine» qatysty pikir bildirdi, dep habarlaidy QazAqparat tilshisi.
Ministrdiń aitýynsha, vedomstvodaǵy personaldardy basqarý qyzmetiniń qateliginen qarjy jymqyrǵan qyzmetker týraly aqparat burmalanyp ketken.
«Ministrliktiń personaldardy basqarý qyzmetiniń jumysyna birqatar suraqtar bar. Onyń basshysynyń óz qyzmetine sai emes áreket jasaǵanyn málimdeimin. Qyzmet basshysy bolǵandyqtan, barlyq mamandarǵa sol jaýap beredi. Is júzinde ministrlikte jumys istemegen adamdy ministrdiń kómekshisi retinde engizip qoiǵan. Bul jerde men atalmysh qyzmet basshysynyń kemshiligin kóremin. Ol adamnyń óz qyzmetine qanshalyqty laiyq ekenin qaraý kerek», - dedi ol.
Aita ketsek, 29 maýsym kúni QR Sybailas jemqorlyqqa qarsy is-qimyl agenttigi iri kólemde biýdjet qarjysyn jymqyrý faktisin anyqtap, QR Bilim jáne ǵylym ministriniń kómekshisin qamaýǵa alǵany týraly málimet taratqan bolatyn.
